Home Politica POR ta denuncia cu politikeria a start den DTP cu nombramento di...

POR ta denuncia cu politikeria a start den DTP cu nombramento di 8 hende

579
0
SHARE
— Otmar Oduber cu denuncia serio contra Gobierno.
- Advertisement -

ORANJESTAD (AAN): Ata algo aki cu Caft tin di tuma nota di dje!  Actualmente cantidad di nombramento ta tumando luga den gobierno. Un gobierno desespera cu sa cu nan no tin e opcion mas y cu nan no tin e posibilidad mas di haya un mayoria den e eleccion venidero.

Segun Partido POR, Mike Eman ta tolera cu na Departamento di Transporte Publico (DTP), entre april cu mei (1 luna) 8 persona a worde nombra cu un contract di 1 aña.

— Ocho persona di cual no tin presupuesto pe.

“Sabiendo cu presupuesto di Aruba cu a worde aproba recientemente den parlamento ta indica cu presupuesto di e departamento y loke ta salario y ‘toelage’ pa aña 2016 tabata 1.8 miyon Florin y pa 2017 e ta menos. ‘Pues mientras cu e presupuesto di salarionan ta menos den 2017 y 2016, ta mira cu 8 hende a worde nombra den e departamento aki pa nombracion politico pa campaña. Esaki ta locual cu ta pasando den mayoria departamento den gobierno na e momentonan aki,” Otmar Oduber di Partido POR a enfatisa.

DTP su agentenan no por actua contra taxi pirata, cual ta un problema cu semper tabatin y ta conoci cu ta polis mester actua. Agentenan di DTP no tin autoridad pa actua contra A-nummers, Taxi pirata no ta carga un TX, O of B, sino A. Masha tempo Minister di Husticia a priminti cu lo bay cuminsa actua, lunanan ta pasa y reunionnan ta tuma luga sin embargo nada ta tuma luga pa soluciona e problema di taxi pirata.

    Buraco presupuesto Pais Aruba 2018:

Un gobierno cu ya tin e pais aki den un situacion financiero dificil y ta mira cu practicamente no ta mira presencia di Minister encarga cu Finanzas mas. A pesar di e debenan menciona anteriormente caminda ta papia di mas di 90 miyon Florin den presupuesto di 2017, cu a bin for di pagonan ricibi di adkisicion di tereno y propiedad di Valero ( cual otro aña no tey mas), mas pago cu mester tuma luga di e terminacion di hospital y green corridor cu ta suma na casi 55 miyon Florin. Ya caba ta mustra un buraco di 140 miyon Florin riba presupuesto di Pais Aruba pa 2018.

— E nombernan ey no ta aparece riba lista di April.

Prome Minister mester stop di broma ora pone luz den bario (cual ta derecho di un hende) y cuminsa splica pueblo con despues di 22 di september, ta bay paga e debe aki di mas di 140 miyon Florin den presupuesto di Pais Aruba y cu CFT a mustra riba e hecho aki.

Refineria mester a cuminsa opera na maart aña pasa, kiermen awe 1 aña y mei despues ainda no tin un bista cla di kico ta bay tuma luga pa loke ta trata e refineria aki. E 140 miyon ta sin tuma na cuenta entre otro, consecuencianan di benta di mercadeo di fuel cu no a tuma luga ainda.

“Loke por worde haci ta cu bo ta cambia bo voto y deposite den un partido nobo cu ta critica y cu ta para pa bon gobernacion cu ta bisa cu ta bay pone instancianan back cu ta controla gobierno. Duna nan back e tools y personal necesario pa nan por controla y vigila gobierno”, sr. Oduber a bisa.

- Advertisement -

DUNA COMENTARIO

Please enter your comment!
Please enter your name here