Home Politica POR tin e solucionnan pragmatico, conciso y al caso pa saca nos...

POR tin e solucionnan pragmatico, conciso y al caso pa saca nos pais for di e crisis

57
0
SHARE
- Advertisement -

Parlamentario mr. Bikker:

ORANJESTAD (AAN) – Den conferencia di prensa, a base di un pregunta haci, Parlamentario mr. Andin Bikker a expresa den conferencia di prensa di Partido POR, Plataforma e Forza Nobo, con e plataforma aki ta bay resolve e problema di debe nacional.

Na prome lugar, e Parlamentario a reitera cu nan ta bay bin cu e Ley di Crisis y Restauracion, manera na Hulanda nan a haci y a logra reduci nan debe nacional y awor tin un surplus di 4 milliard Euro.

Parlamentario mr. Bikker a subraya cu tur e partidonan cu a bay eleccion basicamente tabata tin den plan di partido, con ta bay inverti e placa.

Na aña 2011 Gobierno Hulandes a bay den un crisis hopi profundo y nan a bin cu e ley di crisis y restauracion, y loke e ley aki basicamente ta haci. Macroeconomica mira, e unico manera cu por restaura nos economia y baha e debe nacional, ta door di incrementa e economia. Ora e actividad economico crece, gobierno di tur skina ta haya mas entrada pasobra tin mas winstbelasting y otro tipo di entrada cu derecho riba dje ta bay na caha di gobierno.

E ora ey tin mas entrada di surplus cu ta stabiliza e situacion financiero.

E parlamentario a reitera cu tin mas di 500 bouwvergunning bayendo pa 600 cu ta tranca actualmente, mescos diferente verkavelings plan. Si un plan social di por ehemplo 80 cas social pa pueblo ta tranca, e ora ey tin un doble efecto pasobra financiamento di banco no ta los, material di construccion no ta wordo bendi, companianan di construccion no tin trabao pa nan obreronan, notarionan no ta pasa Akte, y esey ta netamente e tipo di obstaculonan innecesario cu na Hulanda nan a identifica, y a bin cu e ley menciona pa agiliza e economia.

Na di dos lugar, mester introduci mas pilar economico. Parlamentario Bikker a splica cu e partidonan di diferente signatura cu a goberna e pais aki pa mas cu trinta aña, constantemente ta papia di diversifica nos economia, pero lamentablemente hasta a perde un pilar economico, cu aworaki no ta conoci si e lo wordo restaura pasobra riba esey tambe tin diferente pregunta.

POR ta keda sostene e unico pilar economico cu nos tin cu ta turismo, cu danki Dios y na e esfuerzonan di ex-Minister Otmar Oduber, nos economia por sostene riba dje.

Den e pilarnan economic nobo POR kier bin cu economia di internet, cu ya caba ta algo cu ta produci su frutonan pa diferente economia y cu ta facil pa realiza.

Na di tres lugar mester wak unda mester haci e departamento y servicionan di gobierno, cu aworaki basicamente no ta produciendo placa, productivo. Mester sondea con e departamentonan aki por genera entrada pa gobierno. Semper tabata tin un plan riba mesun linea, for di tempo di sr. Oduber, mr. Bikker a señala, cu ta e asina yama e “marking beleid” pa loke ta Aruba, por ehemplo e registracion di barco cu ta dunando fruto na Hulanda y Curacao.

Hulanda so ta gana 1 billion Euro pa aña cu servicionan di registracion di barco. POR kier pa Aruba tambe haya esaki, pasobra awor nos isla ta ricibi cero florin. Aruba tin limitacion tambe riba ki tipo di boto y barconan por registra. POR lo presenta proyectonan di ley, inmediatamente, entre otro pa bay riba mercado di registracion di mega yachts y tambe di barconan, pa por cuminza genera entrada riba esaki tambe.

Basicamente mester rescata e pais aki pa sake for di e crisis, na un manera pragmatic cu plannan cu por realiza relativamente facil, cu ta duna frutonan cu por para alcanza cu nos man, y cosnan concreto manera e tres ehemplonan cu el a duna y cu lo amplia mas den e proximo simannan, segun mr. Andin Bikker, na momento cu nan presenta propuesta y solucionnan pa Pais Aruba. Finalmente mr. Bikker a expresa cu pueblo di Aruba por ta sigur cu POR tin e solucionnan pragmatico, conciso y al caso pa saca nos pais for di e crisis aki.

- Advertisement -

DUNA COMENTARIO

Please enter your comment!
Please enter your name here