Home Hudicial Presentacion di relato anual 2016 di Corte Comun di Husticia

Presentacion di relato anual 2016 di Corte Comun di Husticia

50
0
SHARE
- Advertisement -

ORANJESTAD(AAN): Diaranzon 24 di mei 2017 Corte Comun di Husticia di Aruba, Curaçao y St. Maarten y di Bonaire, Sint Eustatius y Saba (despues di esaki Corte) a presenta su relato anual di aña 2016 na prensa. Na e oficina di Corte na Aruba vice-presidente di Aruba mr. Peter Lemaire tabata presente hunto cu hues den estudio mr. Jane Jansen y director di establecimento di Corte na Aruba dhr. Ernesto Kross pa duna informacion tocante di e acontecimentonan di aña pasa y tambe pa contesta pregunta.

Mision y vision:

E relato anual di 2016 tin e tema ‘Vision’. Esaki ta referi na e trayecto di vision di Corte cu a termina den e aña ey. Esaki a resulta den formulacion di un mision y vision pa 2017 pa 2021.

E mision ta enfatisa cu Corte ta sirbi Husticia cu hurisdiccion independiente y imparcial. E vision di Corte ta consisti di diferente balornan fundamental cu ta traduci den metanan central pa e proximo cinco añanan. A yega na e mision y vision di Corte cu yudansa di trahadornan di diferente nivel den e organizacion (bottom up), ya asina e tin base di sosten. Pa realisa e mision y vision mester di liderazgo fuerte.

Pesey a pone atencion na fortalese e base di liderazgo pa den futuro. Asina a cuminsa cultiva huesnan pa posicionnan di maneho den futuro. Un ehempel di esaki ta e training di ‘Management Development’ cu algun hues a participa na dje. E huesnan aki ya caba ta den un posicion di management of ta aspira esaki. Na e diferente oficinanan di Corte tambe a traha riba fortificacion di liderazgo pa medio di trayectonan di coaching pa hefenan di departamento.

Calidad di hurisdiccion:

E tarea principal di Corte ta hurisdiccion. Den 2016 tambe a inverti pa keda garantisa hurisdiccion cualitativamente bon y imparcial. Corte ta riba bon caminda. Esaki a sali na cla for di e conclucionnan cu a sali for di evaluacion di Leynan di Reino Hudicial (Justitiële Rijkswetten) na 2015. Na 2016 tabatin diferente actividadnan pa garantisa e calidad di hurisdiccion y caminda tabata nesesario aumenta esaki.

Esaki a resulta den deliberaccionnan regular di hurisprudencia di Corte den prome instancia y di apelacion di huesnan y empleadonan di e departamento di sosten huridico. Tambe a bolbe percura pa cursonan cu contenido huridico, duna door di tanto docentenan local como di Hulanda.

Hurisdiccion fiscal:

Na 2016 a subi e nivel di profesionalisacion di hurisdiccion fiscal. For di 30 di april 2016 ta posibel na tur isla pa apela den casonan di Corte fiscal. Alavez a trece cambio den e organizacion di hurisdiccion fiscal. For di 1 di juli 2016 ta posibel pa bay den casacion den e casonan aki. E frecuensia di casonan fiscal den Corte a subi, cu consecuencia a baha un porcion grandi di e retrasonan cu tabata tin.

 

- Advertisement -

DUNA COMENTARIO

Please enter your comment!
Please enter your name here