Home Economia Prijs di lechuga ta sky-high e dianan aki na Aruba

Prijs di lechuga ta sky-high e dianan aki na Aruba

399
0
SHARE
— Demasiado yobida a causa scarcedad di Lechuga.
- Advertisement -

ORANJESTAD (AAN); Desde comienzo di siman caba, por a tende reclamo ta drenta di consumidornan frustra pa e prijs cu nan a haya Lechuga den Supermarket na Aruba.  Mesun cos DIARIO a nota di reclamonan na Curacao tambe.

DIARIO a bin compronde di consumidornan, cu Lechuga Iceberg cu normalmente ta costa alrededor di 2,76 pa 3,00 Florin, e siman aki ta pasando riba di 5,75 Florin bay ariba.

Esnan cu ta favorece come lechuga tipo “Romane Lettuce” cu normal ta entre 5 y 6 Florin, ta wordo bendi e dianan aki pa 12,00 y 13,00 Florin bay ariba.

Restaurantnan ta haya caha di Lechuga cumpra pa entre 60 y 85 Florin.  E siman aki, cada caha costa entre 140 y 170 Florin pa caha.  Naturalmente e comerciante tin di pasa e costo aki over pa e consumidor.

E costo halto pa lechuga a bin debi cu ultimo lunanan tabatin masha hopi awacero na Merca, principalmente estado productor principal di lechuga, California.

Supermercadonan na Merca tambe a haya nan ta hisa prijs di lechuga, cauliflower.  Nan ta pone un nota cu debi na e recien condicionnan di tempo na California, prijs di berdura a subi significantemente.  Esaki lo sigui subi aun mas den simannan venidero.

Motibo cu prijs a subi, ta cu tin scarcedad di lechuga y demas berdura for di e area parti centro y norte di California.

Despues di hopi aña di secura, cunukeronan di California a haya nan confronta cu awacero torencial cu a stroba nan di planta na comienzo di primavera, y algun hasta a haya malesa.  Esaki a pone cu tin scarcedad, y e resultado ta prijsnan halto rond Merca y Caribe.

Bon noticia ta cu principalmente berduranan di California a wordo afecta.  Frutanan di e estado si ta bon, y no tin scarcedad di nan.  Prijs di frutanan si ta mescos.

Desde Januari te cu awor na Mei, y e prijs wholesale di lechuga Iceberg di California, a subi 6x di prijs.  Prijs di Broccoli a bira 4x e prijs.

 

- Advertisement -

DUNA COMENTARIO

Please enter your comment!
Please enter your name here