Home Social Quota International of Aruba ta organiza nan evento pa recauda fondo ...

Quota International of Aruba ta organiza nan evento pa recauda fondo “Picnic Dansant 2017”

65
0
SHARE
- Advertisement -

ORANJESTAD (AAN): Quota International of Aruba a anuncia nan evento pa recauda fondo  “Picnic Dansant 2017”, como tambe nan celebracion di nan di 30 aniversario.

Segun Sra. Laurel Romijn, presidente di Quota pa 2017-2018, Quota International of Aruba ta un organizacion di servicio, parti di un organizacion internacional cu sede na Washington DC. Nan ta dirigi tur esfuerzo pa mehora calidad di bida di esnan menos afortuna den comunidad, especialmente esnan cu problema di oido, habla, mucha y hende muher den dificultad.

Nan ta dedica nan mes na diferente area di servicio y nan ta haci esaki den diferente manera. Tur aña nan ta traha un programa di servicio, pa asina duna un man mas tanto cu nan por na proyectonan di caridad.

Sra. Romijn tambe a bisa cu nan ta dedica atencion especial na muchanan di Scol Scucha Nos y e ultimo añanan nan ta comparti cu muchanan di Centro Orthopedagogish Aruba.

E evento mas grandi di Quota ta distribucion di fondonan cu nan ta acumula durante aña. Nan ta haci donacionnan na mas cu 25 instancia social y caritativo, pa yuda nan pa sigui haci bon trabao pa nos comunidad. Pero pa logra esaki, nan ta organiza nan “fundraising anual” caminda tur loke nan ta recauda ta bay pa bek den comunidad.

Segun Sra. Ivy Simon-Hernandez, vice presidente di Quota 2017, e aña aki nan ta celebrando nan di 30 aniversario, “Aniversario di Perla”.

Quota ta hopi conoci pa eherce varios actividad boluntario. Specialmente durante temporada di carnaval, cu nan campaña di concientizacion “Cuido di Oido” bendiendo earplugs. Sin embargo e  evento mas grandi ta ora cu un biaha pa aña nan ta organiza “Fundraising Picnic Dansant” pa recauda mas fondo, pa asina duna bek na comunidad. E aña aki, Quota a entrega bunita suma di Afls. 65,000, den luna di Maart.

Den ultimo 7 aña, Quota a cambia nan concepto di fundraising haciendo esaki den estilo “Picnic Dansant” riba diadomingo merdia, cu evento a crece y a bira un exito. Aña pasa nan tema tabata “Quota goes Safari”, na unda hasta Tarzan tabata presente.

E aña aki nan ta celebrando nan di 30 aniversario cu tema: “ Quota ‘s 30th Pearls anniversary”, na unda nan lo converti Renaissance Conference Center, den fantasia bao di lama! Esaki lo tuma lugar dia 11 di Juni, un siman prome cu Dia di Tata, y sigur esaki lo ta un bunita regalo pa tatanan. E evento ta cuminsa 12’or di merdia pa 5’or di atardi, cu bandanan Robert y su Solo Banda hunto cu “’N Funzion.

Manera algun aña caba, Quota ta recomenda un cierto dress code; e aña aki ta recomenda invitadonan pa bin bisti colorido casual y cu tema di Perla. Esaki  naturalmente ta opcional pa cada hende, pero ta bay tin dos premio special pa hende muher y hende homber kende ta bisti segun e tema. Ticket ta obtenibel pa afl. 180 pa persona.

Lo tin varios doorprizes, manera weekend stay, dinner for 2 di varios restaurant, gift certificate y hopi mas. Pero prome premio ta 2 round trip tickets pa Orlando di Surinam Airways, estadia di 8 anochi na Residence Inn Seaworld, incluyendo tur tax y tarifa di servicio, breakfast, wifi y parking.

Cumprando un ticket pa e evento aki ta un manera excelente pa aporta na mehoracion di bida di esnan menos afortuna den nos comunidad, y na mes momento pasa un rato agradable, disfrutando di dushi diadomingo atardi celebrando Quota su 30 aniversario.

- Advertisement -

DUNA COMENTARIO

Please enter your comment!
Please enter your name here