Home Politica Rene Herde mustrando cu tema di criminalidad tambe tin di wordo atendi...

Rene Herde mustrando cu tema di criminalidad tambe tin di wordo atendi pa Parlamento

68
0
SHARE
- Advertisement -

ORANJESTAD(AAN): Diamars a tuma luga reunion den Parlamento cu ta trata riba e caso di minister Paul Croes cu ta worde investiga y tambe a agrega un punto acerca cu a bira hasta un punto di discusion den Parlamento.

Rene Herde, parlamentario den fraccion di AVP a splica cu no tin ningun tema den comunidad, cu den Parlamento no por papia di dje. Tur tema, sin excepcion mester por worde trata, mester por worde discuti y tuma un decision si ta asuntonan cu ta toca maneho di nos pais.

Tabata tin caso den pasado cu tabata tin temanan cu no tin nada, no ta pertenece den Parlamento. Esakinan ta pertenece den Parlamento. Pa loke ta e acusacionnan contra di e minister, e ta serio. Tin cu tuma e tema na serio, segun Herde. Pero tin cu tene cuenta si, y a ripara ayera mainta caba, cu hende ta papia riba e acusacionnan.

“Nos no sa nada di e caso,” segun Herde. Ministerio Publico ta haciendo su trabao y mester tin tur espacio. Contrario na pasado, cu sa cu procurador general mes a yega di declara cu tabata tin di banda di Gobierno, estorbo pa nan por haci nan trabao. Esey absolutamente no por. Nos pais ta un pais integro y madura. Mester duna Ministerio Publico tur espacio. No por papia di e caso mes. A compronde cu nan kier papia riba si e minister por ta riba non-actief of no. Loke a compronde cu Gobierno y e minister a yega na e acuerdo ey, netamente pa percura pa no tin ningun intervencion di su banda como minister, den e asuntonan cu ta bao di investigacion, dus e ta afuera.

E no ta fungi como minister, pero tampoco e ta den e funcion cu e por haci algo.

Kico a logra?

A logra pa e minister no ta envolvi den su funcion. Ministerio Publico por haci tur su trabao, pero tampoco bo no a husg’e mand’e cas pasobra no tin informacion pa haci esey. A haci tur loke mester a haci. E no ta den funcion. Ministerio Publico ta traha y no ta acus’e pasobra no tin informacion. No tin, segun Herde.

Tin e discusion riba integridad? Si. Den reino, ta papiando hopi aña caba y tin cu yega na standardnan cu ta conta pa henter reino. Tambe na Aruba. No tin e caso ey. Tin un rapport di WOCD cu a toca di e Gobernacion anterior, cu un cantidad di cos cu ainda tin cu yega na leynan, na reglanan, na palabracionnan, pa regla e cosnan ey. Nos pais no tin mag di tin discusion den cual tin duda si leynan ta worde aplica, si reglanan ta worde sigui, si en berdad e no tin conflicto di interes manera cu por a wak den e rapport di WOCD, caminda cu tabata tin hende cu tabata haci mal uzo di nan posicion. E cosnan ey no tin mag di sosode den nos pais hamas. Esey ta un angulo cu ta bay atende, segun Herde.

Crimen Organiza:

E otro tema ta e tema di criminalidad organiza. Den e rapport di WOCD y otronan, a señala y di banda di husticia ta haya señal cu ainda esey ta sosode. Tin casonan di crimen organiza, sea ta cosnan chikito, hortamento di auto, atraconan, etc. Of di labamento di placa.

E parlamento aki mester atende e tema ey den tur su aspectonan, netamente pa tene nos pais liber y limpi di e tipo di cosnan aki.

Kiermen tur tema mester worde atendi. Ta contento cu a pone nan hunto pa por atende nan den un forma integra y ta spera cu den e direccion ey, e reunion a bay y no manera a ripara cu ta busca manera pa saca probecho politico. Esaki ta nos pais. No e partido un of e otro. Ta nos pais ester percura ta y keda riba e bon caminda, segun Rene Herde.

 

 

- Advertisement -

DUNA COMENTARIO

Please enter your comment!
Please enter your name here