Home Social Riba Diabierna a festeha e di 108 cumpleaño di Maria Anette “Mai”...

Riba Diabierna a festeha e di 108 cumpleaño di Maria Anette “Mai” Maduro

218
0
SHARE
- Advertisement -

Habitante cu mas edad riba Aruba

ORANJESTAD (AAN): Riba Diabierna 26 di mei 2017, Anette Maria Maduro-Lampe a celebra e hecho cu no menos di 108 aña pasa el a bin na mundo. E ta e ciudadano cu e edad mas halto riba Aruba. El a celebra esaki diabierna mainta na su cas situa na Cas Paloma, den compania di su famia y a ricibi bendicion di Pader Jairo Maduro.

Mai Maduro tin un total di 15 yiu, di cual 1 a fayece recientemente. E tin 50 nieto, 75 bisanieto y 53 tataranieto. Ora conta yiunan, nieto y bisa nieto ta yega riba 200 persona, pues un famia grandi.

Un di e yiunan a conta cu nan mama ta un berdadero ehempel pa nan. Nan tata a fayece 51 aña pasa, ora cu 8 di e yiunan tabata bay school ainda. Pues “Mai” a percura pa lanta e muchanan su so, cu ayudo di e yiunan mas grandi. Asina mes nunca ningun yiu a pasa mester, semper tur cos tabata OK na cas.

Mai Maduro ta bin di un famia di 9 ruman, di cual e so a yega e edad mas halto. E tabatin un ruman cu a yega 99 aña y e demas tur a yega te mas o menos 80 aña.

Mai Maduro ta un persona masha religioso y ta dedica hopi ora den oracion.

Pabien na “Mai” y cu nos bon Dios por sigui cuid’e pa e ta hopi mas cu nos ainda.

 

- Advertisement -

DUNA COMENTARIO

Please enter your comment!
Please enter your name here