Home Enseñanza Scolnan na Aruba lo mester por keda habri pa ofrece actividadnan extracurricular

Scolnan na Aruba lo mester por keda habri pa ofrece actividadnan extracurricular

46
0
SHARE
??????????
- Advertisement -

Parlamentario Jennifer Arends-Reyes

ORANJESTAD (AAN): Segun sra Arends-Reyes Aruba ta trahando sumamente duro ariba e introduccion di mas proyecto y posibilidad pa ‘opvang’ tanto pa mucha como hobennan.

Nos sa cu e mayornan awendia tanto mama como tata ta mas participativo den e mundo laboral y e discusion pa e necesidad pa reenforsa e programanan y facilidadnan cu ta ofrece cuido y un disiplina manera arte, musica, deporte y baile ta birando mas central.

Ta bira hopi cla cu lo mester por cuminsa pensa ariba horarionan extendi di schoolnan caminda cu muchanan y hobennan despues di school merdia por keda school y haya otro programa extra curricular cu lo yudanan enorme den nan formacion. Realidad ta cu tin demasiado mucha y hoben despues di school ta keda cas y ta keda cas sin supervision cual ta inaceptabel.

E fenomeno aki di ‘sleutel kinderen’ mester worde disminui cu un plan nacional segun sra Arends-Reyes kende ta kere firmemente den proyectonan despues di merdia. Na Aruba e participacion di deporte ta bao di 20% y e cifra aki mester bay incremente. A introduci varios proyecto traimerdia pa schoolnan y hobennan pero ainda falta uno na nivel nacional cu ta acapara varios Ministerio huntu.

Hopi mucha ariba nos isla ta haci uzo di centro di cuido/creche cu ta ofrece cuido full dia te cu 5’or of 6’or di atardi te ora cu un of tur dos mayor caba di traha. Esaki tabata un conclusion despues di a bishita varios crèche y tambe estadisticanan.

E ley cu Parlamento lo mester por trata den e luna venidero pa introduci e permiso, inspeccion y rekisitonan basico ta sumamente importante pa nos pais mirando cu tin necesidad pe y tur caso lamentable na cada crèche ta uno dimas. E ley aki di crèche a tarda pa traha riba dj’e mirando cu e producto final y te ultimo ainda tawatin contribucion di diferente stakeholder manera fundacion pa nos muchanan, doñonan di crèche, mayornan, gobierno y Parlamento.

A presenta e concepto di ley varios biaha na Parlamento y ta fraccion di AVP so a manda pregunta pa gobierno y a pidi pa haci cambionan necesario pa wak con por yega na cambionan den un periodo di transicion cu ta keda realistico y rasonabel pa e centronan. Esaki ta hustamente locual a tuma e ultimo tardansa pa trece e ley aki den un reunion publico y pa e caba di bira un realidad.

A comprende cu lo bin un nota di cambio y lo presenta periodonan di transicion especialmente pa inversionan den infrastructura pa cada centro. E upgrading di e personal tambe lo conose un programa special ofreci pa gobierno y tambe tin su periodo di transicion.

Un punto cu hopi crèche tawatin dificultad cune ta e ratio di cuanto leidsters pa cuanto mucha, esaki ta un punto caminda cu Aruba compara cu Hulanda of Curacao tin un ratio mucho halto pa cada leidster. Den e nota di cambio lo trece un proposicion pa asina yega na un cantidad balansa y realistico pa Aruba sin cu ta compromete e calidad y supervision cu mester por ofrece na nos muchanan sra Arends-Reyes ta termina bisando.

 

- Advertisement -

DUNA COMENTARIO

Please enter your comment!
Please enter your name here