Home Enseñanza Studiantenan di IPA a efectua pasantia na New York University

Studiantenan di IPA a efectua pasantia na New York University

16
0
SHARE
- Advertisement -

ORANJESTAD (AAN) – E studiante di Instituto Pedagogico Arubano (IPA), Carolien Broeksema, a efectua un viahe di estudio y a bishita New York University, pa un pasantia, cual tema central ta nos Planeta.

E hunto cu dos studiante mas L. Wever y S. Oduber, a bay cu e meta di investiga cu tin den e comunidad di e Ciudad di New York y haciendo nan pasantia nan a ripara cu e Universidad mes, ta mas basa riba educacion di medio ambiente y vocabulario ambiental.

Pa enfoca riba esaki y wak con nan ta trata e tema den scolnan basico aya, y con e participacion di e muchanan eynan mes ta, y a bishita varios scol y base di esaki a busca den literatura kico ta e beneficionan di educacion tocante medio ambiente y su importancia, vooral cu aworaki na Aruba nos ta enfocando mas riba sostenibilidad y e importancia di esaki.

Aworaki ta toca nan bay den practica y siña e muchanan kico ta medio ambiente, kico ta e vocabulario uza hunto cu esaki, pa asina nan compromete mas cu e aspecto aki, ademas di participa y duna nan sosten ya cu nos futuro ta nos muchanan.

Nan kier promove e concientizacion cerca no solamente e mucha pero henter comunidad, pa nos ta mas conciente di kico e realidad ta, cu no ta solamente berde pero mucho mas cu esey.

Tin un diferencia entre e parti di naturaleza entre Aruba y New York, segun e studiante. Aya e organizacion ta hopi mas avanza, pero nan no tin e naturaleza mescos cu nos tin akin a Aruba. Nos tin nos lama, nos cunuco y nos flora y fauna, locual tambe nan tin, pero aya nan no ta bay den naturaleza pa e muchanan experiencia kico esey ta.

Nan tin e posibilidad pa hacie y nan organizacion ta hopi mas avanza cu nos y ta importante pa e bira un posibilidad pa na Aruba tambe por implemente, pa asina bay na e lugarnan aki. Por ehemplo, e parke di barbulette cu tin na Aruba habri e acceso pa scolnan bay eynan pa nos muchanan ta den ambiente pa siña mihor.

- Advertisement -

DUNA COMENTARIO

Please enter your comment!
Please enter your name here