Home Deporte Sv Britannia Frisian Flag ta empata cu Dakota 1-1 cu gol di...

Sv Britannia Frisian Flag ta empata cu Dakota 1-1 cu gol di Theric Ruiz

34
0
SHARE
- Advertisement -

ORANJESTAD (AAN): Diabierna anochi a cuminsa e playoff di futbol di Aruba cu ta restora bao di A.V.B. y e prome wega a bay entre Sv Britannia Frisian Flag contra di Sv Dakota Island Window’s & doors. E alinacion di Sv Britannia tabata como lo siquiente; Lionel Kaarsbaan, Theric Ruiz, Rodymar Paesch, Miguel Guiterrrez, Sylvester Schwengle, Renier Paraez, Luis “Coco” Estrada, Johnatan Ruiz, Alex Hassell, Luis Carlos Croes y Bruno Conceicao. Como suplente nan tabata tin; Ericson Croes, Aljee Feleciana, Kendrick Dania, Jeanpierre Fingal, Denrick “Denden” Lopez, Sebastian Montoya y Mairon Gutierrez. E wega a cuminsa unda cu e oncena di Paradera / Piedra Plat a cuminsa domina e wega y a crea 3 oportunidad di gol hopi trempan den wega. Sv Britannia Frisian Flag a keda domina e wega sigur pa 20 minut te ora cu Dakota a cuminsa trece balansa den e wega. Tabata na di 35 minut di wega cu Ezra Bosnie a pone un paso largo pa Ricky Hodge y unda cu e keeper di Britannia Lionel y Ricky Hodge a dal den otro y referee a pita penalty pa Sv Dakota. E penalty a wordo tuma pa Emile Linkers cu ta un hungador di seleccion di Aruba naci na Corsow y cu a hunga futbol entre otro na Hulanda y Indonesia y Emile Linkers ta manda Dakota ariba 1-0 y pa halftime drenta cu e ventaha minimo di Dakota ariba Sv Britannia Frisian Flag. Den di dos tempo Sv Britannia a hasi un cambio y e delantero Sebastian Motoya Cano a drenta wega na lugar di Sylverster Schwengle kende a sufri un lection. Cu e cambio aki Sv Britannia a aumenta su dominio ariba Dakota y por bisa cu mayoria di dos tempo Sv Britannia Frisian Flag a domina e wega y cu un Dakota cu aki aya tabata for peliger pa e portero di Britannia. Na di 20 minut di dos tempo despues di un corner Theric Ruiz ta haya e bala ariba su pia robes un den un media vuelta a deposita e bala den net pa e gol di empate. Hopi a considera e gol aki un hoja di gol. Di e forma aki tambe referee Colina a fluit pa e final di e wega y unda cu tur dos team ta bay cas cu un punto. E proximo wega di Sv Britannia ta contra di Dep. Nacional y di otro banda Dakota mester enfrenta RCA. Diasabra anochi RCA ta gana Dep. Nacional cu score di 2-1 y mas y mas e weganan di playoff ta bira mucho mas interesante. Pabien na Sv Britannia Frisian Flag y Dakota cu e empate y nos mester menciona cu Dakota manera custumber a yena tribuna banda pazuid mientras cu Sv Britannia a sorprende cu masha hopi fanatico tambe.

- Advertisement -

DUNA COMENTARIO

Please enter your comment!
Please enter your name here