Home Deporte SWIKERS ta impresiona na National Tri Sprint Championship

SWIKERS ta impresiona na National Tri Sprint Championship

23
0
SHARE
- Advertisement -

ORANJESTAD (AAN): Diadomingo ultimo a tuma lugar National Tri Sprint Championship organiza door di ATA.Un competencia di triathlon cu a conta cu participacion di mas di 100 atleta y un gran cantidad di personanan cu a bin apoya.

Mas cu claro e competencia aki por a conta cu participacion di e miembronan di SWIKERS. Despues di a bataya un distancia di 750m den un lama cu tabata bruto y cortico a sigui pa core 20km ariba bais pa despues termina cu 5km napia. Condicionnan tabata practicamente perfecto cu a haci cu mayoria SWIKER a sa di hasi un tremendo papel y kibra nan personal records. Algun a Sali hasta ganador di nan categoria

Linda Smith – 1st female overall

Joey Koeverman – 2nd age group

Dennis Schoneveld – 3rd age group

Lucien Dirksz – 1st age group

Raymond Arends – 3rd relay division

SWIKERS kier gradici nan sponsors NEUTROGENA (Manrique Capriles), POWERADE (Tropical Bottling Company) y JADS Dive Center. Ademas Swikers kier a gradici nan famia, amistad y team-mates pa nan aporte durante e careda aki! Danki tambe na Aruba Triathlon Association pa a pone un tremendo careda atrobe riba pia.

Awor training nan ta sigui pa e proximo evento cual lo tuma lugar Juni 25, 2017. SWIKERS ta desea di pidi pueblo di Aruba pa nan cooperacion ariba e careteranan di Aruba, pa duna cada un nan espacio pa nan por eherce nan deporte. SWIKERS ta faborece e respecto mutuo pa cu reglanan di trafico y pa asina tur hende por hasi uso di e careteranan sin niun desgracia.

- Advertisement -

DUNA COMENTARIO

Please enter your comment!
Please enter your name here