Home Turismo Ta keda busca neishi di Shoco riba e ruta di proyecto Watty...

Ta keda busca neishi di Shoco riba e ruta di proyecto Watty Vos Boulevard

29
0
SHARE
- Advertisement -

ORANJESTAD(AAN): Gian Nunes ta Research Conservation Manager di Parke Nacional Arikok y e ta conta riba e prome rescate riba loke ta bay bira Watty Vos Boulevard.

E situacion a cuminsa diasabra mainta ora cu el a haya un yamada cu tin paar di shoco den area di construccion. E ora e team di Parke Arikok a worde manda afo, pa por wak si por gara nan y relocate nan pa Parke Arikok. E ora diadomingo e plannan ta full setup y a bay den accion. Basicamente a yega eynan. Tabata tin net cu nan a pone riba e neishi di e shoco. Loke nan ta haci, nan ta tene nan neishi bao di tera, caminda cu nan ta cuida su cria y despues cu nan crece nan ta bula bay afo.

Mas tanto e grandinan ta keda pafo di neishi, pero ora nan tin cria, nan ta keda cerca di e neishi. E crianan mes ta keda den e neishi. Ora cu a yega cerca a bay wak si nan por mira si nan por a wak. Un trahado di Total Cleaning cu tabata tin snakeycam cu na por a check den e neishi y tabata tin un shoco aden. E ora Boei Flanegin, un experto den shoco a cuminsa cu e proceso pa cuminsa habri e neishi. Tabata tin e net riba dje, pa si nan kier a bula bay.

Mirando cu nan tabata banda di caminda, nan no tabata kier pa nan subi caminda. Nan tabata tin e area conteni. Boei a cuminsa coba y den algun minuut, el a yega na e neishi y a logra gara e cria. Tabata un muhe y tabata falta un luna mas pa el a bula bay su mes. Parke Arikok a tum’e y tin’e awor aki den nan cuido. Lo bay percura p’e pa e ta suficientemente fuerte pa e por cuida su mes. Nan tabata tin un neishi cla caba na Arikok bao di tera, cu por hinca e shoco aden y por percura p’e, te ora cu e dicidi pa e bula bay su mes, segun Nunes.

E adultonan:

Segun Nunes, e mayornan di e shoco aki, lo tin un neishi den e area aki. Hopi biaha nan tin diferente neishi cu si algo pasa cu uno, nan por move bay na e otro. Mirando cu e neishi tabata den area di construccion, mester a kibre pa nan no bay back eynan. Si e siguiente dia nan ta eybao atrobe, un bulldozer a pasa y e esfuerso lo tabata por nada. Mas sigur nan ta den e area ainda y awor aki Arikok tambe lo bay sigui busca den e area, unda cu e Ringweg lo worde traha den futuro, pa wak si por haya mas shoco cu por bay relocate pa e area di Arikok.

Nunes a sigui splica cu nan a worde yama door di hendenan cu a mira shoco eynan. Loke ta bay haci awor aki ta pa bay full e ruta, pa mira si nan por haya mas neishi di shoco cu ta habita ainda. Tin diferente manera cu por wak si nan tin shoco den dje, si tin pluma, of si tin rastronan di pia rond di e neishi, y tambe door di testigonan. Si tin hende cu sa cu tin luga di construccion y ta mira por ehempel shoco of otro bestianan importante di Aruba cu no por relocate nan mes, laga Parke Arikok busca nan y cuida nan. Nan lo percura pa nan haya un luga safe pa nan biba na Arikok.

 

- Advertisement -

DUNA COMENTARIO

Please enter your comment!
Please enter your name here