Home Politica Ta urgent pa reintroduci e camaranan hyperbaric na Aruba

Ta urgent pa reintroduci e camaranan hyperbaric na Aruba

17
0
SHARE
- Advertisement -

Parlamentario mr. Bikker a subraya:

ORANJESTAD (AAN) – Parlamentario mr. Andin Bikker, di Partido POR e Plataforma Forza Nobo, a trece un biaha mas dilanti, cu el a yega di presenta mocion den Parlamento cu a wordo aproba unanimamente, pa reintroduce e cambernan di presion hyperbaric chamber, cu ta un necesidad relevante pa Aruba.

“Tin hopi caso na Aruba di personanan cu ta haya nan mes confronta cu heridanan di indole diabetico, di cual hopi por wordo trata via di e cambernan di presion aki, cu den varios caso hasta por preveni amputacion”, Parlamentario Bikker a señala.

El a cuestiona e hecho cu Gabinete Eman, a laga esakinan bay den exterior. El a corda cu bao di guia di un propio minister di salubridad  esta tempo di dr. Posner, tabata tin dos di e cambernan di presion aki pero sr. Eman no a haci nada pa preveni pa e cambernan aki bay exterior.

“Y nos como un pais turistico y entre otro nos ta propaganda nos hopi di nos turistanan ta bin pa diving, POR ta di opinion cu mas pronto posible mester haci un esfuerzo pa reintroduci hyperbaric chamber. Mi por a compronde cu mi colega, tempo e tabata minister di turismo a haci su maximo esfuerzo ora a acerca gobierno pa reintroduci un camber di presion pa esaki y via ATA esaki lo a wordo financia, pero mi por a compronde cu te awe gobierno no a duna prioridad na esaki. Y si algo bolbe pasa mester manda e pacient den exterior via Air Ambulance, pa islanan bisiña”, Parlamentario mr. Bikker a reitera.

 

 

- Advertisement -

DUNA COMENTARIO

Please enter your comment!
Please enter your name here