Home General Teo Croes a pone prueba riba mesa pa mustra con Diego de...

Teo Croes a pone prueba riba mesa pa mustra con Diego de Cuba di STA ta contradeci su mes

44
0
SHARE
- Advertisement -

ORANJESTAD  (AAN): Trahadonan di Aruparking ta den un incertidumbre kico lo para cu nan. Den medionan di comunicacion nos por lesa cu sindicato STA ta para pa e clase trahado, pero di un otro banda, nos ta haya director di Arubus y responsabel pa Aruparking, sr. Teo Croes ta declara un otro version. Tur esaki ta treciendo inkietud pisa mey mey di e trahadonan di Aruparking.

Croes a sigui splica cu por ta na altura cu a scucha declaracionnan. Nan kier representa e trahadonan di Aruparking. Den su calidad di director, e ta splica unda nan ta para den henter e proceso di declaracion caminda cu un cantidad di cos a worde papia door di e presidente di STA.

Croes a splica cu na September aña pasa, tabata tin un referendum caminda cu nan tabata tin 11 voto pa nan por a gana e referendum. Un fout a worde cometi caminda cu tabata tin diferente hende cu tabata riba proeftijd a pidi datum van indienst treding. Esnan cu tabata riba proeftijd a worde kita pa mediador cu excepcion di 1. E un ey a vota. Ora cu a mira esey, automaticamente mediador a manda un coreccion bisa cu e referendum no ta valido.

El a yama gerencia na mesa back y ya cu a pasa un luna of algo, e persona ey tambe tabata den vaste dienst, incluyendo e otronan. A yega na un acuerdo y a bisa STA cu nan ta bay reconoce sindicato, pasobra nan kier paz laboral, kier yega na un bon acuerdo pa tur cos bay netjes. Despues di esey no a tende nada mas di sr. de Cuba. Croes a mande un whatsapp tocante Parking, y a expresa cu si mester papia riba esey.

No a tende nada mas tampoco. Empleadonan tampoco no a tende nada mas for di dje. Despues el a informa e empleadonan cu el a entrega voorstel na gerencia y e mes a contradeci esey den su declaracion, caminda cu e ta bisa cu e no a worry mas cu nan, pa motibo cu e no a tende nada di nan y a neem aan cu a tuma un deal cun’e, cual no ta cuadra tampoco.

Den e mesun rosea a menciona cu no a pag’e y ta esey ta e motibo cu e no a worry cu e empleadonan, cu ta kita e afdrachten cu somewhere e placa a disparce, acusando den bashi. Croes a mustra tur prueba cu nan a paga. Kico de Cuba a haci e placa, e no sa y e placa a bay riba su cuenta. Ta algo cu ta un tiki di condena, pasobra ta tuma e placa di e trahadonan, pero no ta cumpli cu nan.

Durante e kitamento di klem, e trahadonan a bira un poco nervioso. Aparentemente Croes a worde yama, mirando cu nan kier a bay protesta. Croes a bay papia cu nan, pa splica nan kico minister a bisa. Minister a bisa cu trabao ta continua. E ta bay ta den diferente aspecto, diferente forma, pero trabao ta bay continua.

Tin un garantia di Gobierno cu e ta continua y cu nan tin cu keda trankil. Asina mes nan kier protesta. Croes a splica cu den ora di trabao, no por laga e trahadonan bay, pasobra sino lo tin cu tuma medida contra di nan mes. Esey a compronde cu sr. de Cuba a menciona cu Croes a instiga nan pa bay protesta dilanti di bestuurskantoor. E ora ey ta algo cu ta bisa cu no ta inventa, pasobra a mira un whatsapp cu un empleado a manda bis’e cu Croes a manda nan sindicato.

Den ningun momento esey a sosode. Locual cu a bisa nan duidelijk ta, cu si nan bay, Croes mester tuma medida. Nan a bisa cu si nan bay sindicato, Croes a expresa cu ta keda na e trahadonan. E no por influencia den esey, ni bisa nada, pero si el a bisa cu si nan bay den ora di trabao, e mester tuma medida contra nan.

Pero manera costumber de Cuba ta busca popularidad y el a haci cierto expresionnan cu no ta cuadra.

Ademas a compronde for di empleadonan cu el a mustra un carta di mocion di oposicion pa kita parkeermeter y klem y a bisa abao, “a dicidi.” Ora cu e empleadonan a bay busk’e despues di 5 ora cu a haya contacto cun’e, el a contesta nan cu esey ta un decision di ministerraad, cual no ta cuadra cu berdad. El a bisa nan e ora no ta motibo pa bay protesta ni welga, pasobra no tin trabao mas. Esey ta loke Croes a haya for di e empleadonan.

Tambe ora a puntre kico pa haci, ta loke el a contesta cu trabao mester busk’e trabao pafo di caya, bira ambtenaar of bira polis. Ora a splik’e cu mester haci algo, e di cu den caya tin 600 pa 800 tata y mama di famia cu ta bay keda sin pan. Cu otro palabra, wak kico boso ta haci.

Den su declaracion di ayera, e ta bisa full un otro cos. El a bisa cu el a mira un mocion y cu e ta bay defende. Croes no a bay mucho den esey y ta loke el a haya for di e empleadonan.

 

 

- Advertisement -

DUNA COMENTARIO

Please enter your comment!
Please enter your name here