Home Deporte Thashaina Eliza Leandra Seraus y Kamilah Dammers-Naddall den e top 10 di...

Thashaina Eliza Leandra Seraus y Kamilah Dammers-Naddall den e top 10 di e miho bolicheranan di e continente America

35
0
SHARE
- Advertisement -

ORANJESTAD (AAN): Siman ta habri nos cu un tremendo noticia di bowling unda e federacion Arubano di bowling, ARBAS ta orguyoso pa anuncia cu e dos bolicheronan femenino ta oficialmente den top 10 den e ranking Panamericano. E atleta Thashaina Seraus ta posiciona na number 8 cu un promedio di 216.29, mientras Kamilah Dammers ta na posicion number 9 cu un promedio di 215.75 den e ranking Pan Americano unda un total di 179 atleta ta rank oficialmente.

Esaki sigur ta yena uno cu orguyo mirando cu ambos a logra exito tras di exito pa Aruba den exterior. Kamilah a logra dos medaya den e Weganan CAC, mientras Thashaina a logra un di 5 lugar den e weganan Pan Americano. Hunto nan a logra medaya di plata di e Panamericano di bowling esaki den dos ocasion. Tur dos bolichera a logra hopi cu nan scol bishita na Merca logrando resultadonan excepcional.

ARBAS kier a gradici Lotto pa Deporte pa nan apoyo duna na Thashaina y Kamilah pa asina nan por sigui eherce nan deporte den un nivel halto.

Pabien Thashaina y Kamilah. Aruba no por ta mas orguyoso di boso dos. Potret y info pa cortesia di 297Sports.

- Advertisement -

DUNA COMENTARIO

Please enter your comment!
Please enter your name here