Home General Tiramento pafo di Olde Molen a laga hoben di 26 aña morto

Tiramento pafo di Olde Molen a laga hoben di 26 aña morto

2033
0
SHARE
— Ralph de Palm liquida Diadomingo madruga.
- Advertisement -

ORANJESTAD (AAN): Ora cu den madruga banda di 3:00 am cu varios nightclub ta cera na Aruba, gran parti di e publico ta move rumbo pa Olde Molen, como cu aki ainda e negoshi aki tin un permiso pa keda opera te ora cu solo sali.

— Monton di Polis na e lugar.

   Mientras cu hendenan tabata cuminza yega na Olde Molen, y e parking pafo ta birando druk, diripiente algo despues di 4:00 am, sonidonan uno tras di otro di tiro por a wordo scucha ta bin for di e parkinglot ey cerca mes.

   Despues di tiro a mira auto move rapido di e lugar, y tabatin gritamento di varios hende, mirando un curpa benta abao.  Asina yamadanan a cuminza drenta na Polis.

   PROME UNIDAD: E prome unidad cu a yega, a bin topa cu un persona benta abao, y cu no ta duna señal mas di bida.  Polis cu flashlight a mira cu e persona tin varios herida di tiro na su cabez, pecho y restodi curpa.

— Sperando yegada di Docter.

   Ambulans tambe a yega, pero Paramediconan no por a haci nada mas.  A djis bisa cu presencia di Docter ta necesario.

   Inmediatamente Cuerpo di Polis a notifica demas instancianan halto pa bay na e lugar, incluyendo Fiscal.

   YEGADA DI DOCTER: Banda di 5:30 am, Dr. Texier a constata morto di e victima, cu e momento ey ainda no a wordo identifica.  Por a mira Docter ta purba na analiza varios di e heridanan di bala.

   Autoridad a cera e area pa cuminza investiga, y for di varios testigo a bin compronde cu e problema di e hoben aki a start otro caminda, y a termina dilanti Olde Molen.  Mientras tanto un multitud di mirones a cuminza aglomera pafo y a keda den shock cu e noticia fatal aki.

— Mirones na e area di suceso.

  BUSCAMENTO RIBA CAYA: Varios unidad di Polis a cuminza busca rond riba caya pa un auto cu a bandona e lugar mesora despues di tironan, incluyendo a para varios vehiculo moviendo cu yen hende aden, y ta actua sospechoso.  Pero ainda no a topa cu e supuesto asesino.

   Team di Recherche, como tambe oficialnan Forensico di BFTO a yega pa cuminza haci investigacion completo.  Riba ordo di Fiscal, e resto mortal a wordo confisca, y cu auto di Funeraria a wordo transporta pa Mortuarium na Dr. Horacio Oduber Hospital.  Aki lo bay practica autopsia pa determina cuanto herida di bala exactamente el a haya, y cual di nan a causa su morto inmediato.

VICTIMA IDENTIFICA: Te banda di 9:00 am, Polis a revela na prensa cu e victima di e tiramento fatal pafo di Olde Molen ta conoci.

Di comienzo tabata core rond informacion cu ta trata di un tal Ralph. Recherche a haci su trabao, y asina a bin identifica e hoben como Ralph de Palm, naci na Haiti na 1990, pues tin 26 aña di edad.

E biba den Blenchistraat na Simeon Antonio, y su famia a wordo notifica pa autoridad riba e caso.  E famia tambe ta pidi awor pa Husticia haci su trabao, pa detene e persona trigger-happy cu a liquida nan ser keri.  Na famia di fayecido, DIARIO ta manda palabranan di condolencia.

 

- Advertisement -

DUNA COMENTARIO

Please enter your comment!
Please enter your name here