Home Policial Tres detencion den caso di esnan cu a comete fraude pa logra...

Tres detencion den caso di esnan cu a comete fraude pa logra fianza na Island Finance

657
0
SHARE
- Advertisement -

ORANJESTAD(AAN):— Algun muher a cay cera pa motibo di tabata forma parti di un netwerk pa haya fianza a base di documentonan falso. Pa algun tempo caba esaki a sosode. Te awor aki no tin trahador di e instituto financiero  Island Finance cu a cay cera pero no ta descarta cu detencion por bay cay un ora pa otro. Te awor aki sigur tin tres muher cu a corumpi cu e caso aki. Un di nan ta sin trabou, otro ta traha na Super Food y un di tres Janella Gamarra ta traha na Frasa den e Departamento di Recursonan Humano.

Island Finance ta fia placa y semper bo mester cumpli cu e exigencianan. Island Finance toch ta basta flexible compara cu otro banconan ora di fia placa. E grupo di algun sospechoso femenino a scoge pa bay forma parti di e fraude. Tur cos ta mustra cu den esnan deteni tin algun cu a regla entre otro payslip falso y otro cosnan cu por a facilita pa e cliente bay Island Finance pa haya e fianza.

Nan ta conciente cu loke nan tabata haci ta robez. Asina mes a scoge pa yega na e placa pero dimes esun cu regla esaki pa nan mester haya un porcentahe di e placa. Loke a pone e cos bira un problema tabata na momento cu tin di e clientenan aki cu nunca a bin paga of a paga pero despues a stop di paga.

A base di un investigacion interno a bin descubri cu uno ta link cu e otro. Keho oficial a wordo entrega y Recherche a haci nan investigacion. Te awor aki ta wordo menciona cu ta varios hende ta envolvi di cual e suma hasta a pasa 100 Mil Florin cu e forma di logra fianza cu tipo di documentonan falsifica. Ta door di incumplimento e luz a cende y a descubri esaki. Awor tin por ehempel un di esnan deteni cu ta traha na Super Food cu a cuminsa paga bek. E otro prima di dje sin trabou probablemente por keda cera. Esun Janella Gamarra a wordo busca na Frasa riba un mainta y a keda deteni.

Lo vigila e asunto aki di cerca pa mira si na Island Finance lo cay detencion riba un of otro trahador cu por ta envolvi den e fraude pa facilita e fianza. Tin nombernan di hendenan clave of yega na hendenan clave den comunidad cu tambe por cay cera pa e caso aki. Island Finance mes no kier duna ningun informacion riba e caso. Entre esnan cu ta cera awor aki ya caba Huez Comisario a prolonga nan detencion cu ocho dia mas.

 

- Advertisement -

DUNA COMENTARIO

Please enter your comment!
Please enter your name here