Home Suceso Tres homber arma a comete atraco na Kevin Jewelers

Tres homber arma a comete atraco na Kevin Jewelers

186
0
SHARE
- Advertisement -

ORANJESTAD    (AAN):   Dialuna atardi un biaha mas a sosode un atraco y esaki a keda confirma door di vocero di Polis Liliana Rasmijn.

Ta asina cu pa 18:22 un patruya di polis di trafico tabata pasando den Havenstraat y a wordo para door di e manager di Kevin Jewelers. E persona aki a conta polis cu un rato prome e y su empleada  a wordo atraca door di tres hende homber habla spaño.

E hombernan aki a drenta den e joyeria y saca arma y pone na su cabez y  despues a tie-wrap’e . E empleada, kende  tabata den e oficina, ora el a sali nan a push’e bek den e oficina y sera e porta.

Segun reporte di polis, e atracadornan no tabata tin cara tapa. Nan a papia spaño y dos di nan tabata tin arma di candela. E descripcion di e atracadornan na e momento di e atraco ta e siguiente:
1. jeans blauw cla, camisa blauw cla manga largo y petchi preto cu blanco.
2. Jeans scur, flanel blauw scur, keds preto
3. Carson largo preto, t-shirt shinishi, petchi blanco
E atracadornan a bai cu hopi joya y ainda no ta conoci e balor di loke a wordo horta. Nan a huy direccion pariba. Diferente unidad di polis riba caya a cuminsa cu un buskeda pa wak si a por topa cu e sospechosonan aki. Pero no a logra.

Atraco Team a presenta ne sitio, tambe slachtoffer hulp y polis tecnico.  E caso ta bao investigacion.
Cualkier persona cu por a wak of sa  algo ta wordo pidi pa yama tiplijn di polis 11141.

- Advertisement -

DUNA COMENTARIO

Please enter your comment!
Please enter your name here