Home Hudicial Un aña di prison pa homber cu a hinca su superior diferente...

Un aña di prison pa homber cu a hinca su superior diferente biaha cu cuchiu den Burger King

1494
0
SHARE
— Fiscal a exigi 3, pero Hues a dune 1 aña.
- Advertisement -

ORANJESTAD (AAN): Hues a haya e homber O.T. culpable di intento di mata, caminda el a hinca su superior diferente biaha cu cuchiu. Fiscal a exigi 4 aña di prison di cual 1 aña ta condicional. Hues a tene cuenta cu psycologo a mustra cu O.T. ta sufri di un tipo di paranoid caminda e ta bira agresivo. Hues a baha e castigo exigi pa Fiscal pero a aproba e parti condicional di 2 aña y bou guia di Reclasering.
    HINCAMENTO:
    Tratamento di e caso aki tabata dia 5 di Mei 2017 caminda Hues a bisa cu na Polis O.T. a bisa cu el a hinca e dama J. 4 pa 5 biaha cu e cuchiu di mas o menos 25 cm largo. El a bisa cu e cherchamento a pone actua asina. Hues cu potretnan di e heridanan den man a puntra O.T. con el a hinca. O.T. a mustra con el a zwaai su man.

— Aki por mir e cuchiu.

Hues a mustra cu e raport medico ta indica e heridanan cu e dama J. a sufri. Hues a bisa cu tin colega na e Burger King den Caya Betico Croes, kende a bisa cu O.T. a expresa cu e lo mata. O.T. a bisa Hues cu no ta berdad.
Fiscal a puntra Hues si no a mira e security camera video den Burger King. Hues a bisa cu e no por a pasa esaki riba computer. Abogado a bisa cu e no a haya video.
Segun Fiscal, e video ta hopi fuerte caminda por mira con agresivo O.T. tabata actua cu e cuchiu.
Hues a bisa cu tin raport Reclasering caminda e persona di Reclasering a constata cu O.T. ta usa marihuana. Segun O.T. e ta usa marihuana ora e ta na cas pa relaha. O.T. a bisa cu e ta dispuesto pa haya tratamento di psycologo. Hues a puntra O.T. con e combersacionnan ta bayendo cu psycologo. El a splica Hues cu el a conta psycologo tur e cosnan cu el a pasa aden.
    PROBLEMA MENTAL:
Hues a mustra cu psycologo den su raport, ta haya cu O.T. ta sufri tin un tipo di paranoid. O.T. a bisa Hues cu e no ta kere esey. E ta haya cu e ta hopi saludabel. Hues a mustra cu segun psycologo O.T. tin problema pa atende cu asuntonan. E ta bira hopi agresivo. E ta kere cu O.T. ta un poco no responsabel pa su actonan.

Sinembargo esaki no ta prome biaha cu el a haci algo similar, y debi na agresividad.  Hues a revela den Corte, con den pasado el a yega di haci algo asina caba na un otro lugar di trabao, y Corte a hasta condene pa esey.

Haya sa unda e tabata traha antes, y tur e discusion di Fiscal y Abogado, den bo edicion di Diasabra mainta di DIARIO.

 

- Advertisement -

DUNA COMENTARIO

Please enter your comment!
Please enter your name here