Home Deporte Un Weekend Dificil a Resulta Den un Triunfo pa Team Aruba

Un Weekend Dificil a Resulta Den un Triunfo pa Team Aruba

28
0
SHARE
- Advertisement -

OREANJESTAD (AAN): E PDRA Spring Nationals na Darlington Dragway a sinti mas mane verano, cu e temperatura di aire na mas o menos 90 grado Fahrenheit y e temperatura di e pista na 150 grado. Hopi biaha, condicionnan asina ta hacie hopi mas complica pa navega e 660 pia di e pista di careda. 

Trevor Eman y e team di Aruba.com inicialmente a encontra un dificultad pa haci e areglo perfecto pa un tempo cayente, cu lo hiba e Mustang di Aruba.com na e superficie cu den pasado a causa e prome careda di cuarto-miya sanciona ariba di 200 MPH door di un doorslammer. Parce cu locual Bill Kuhlmann a logra e dia aki den 1987 den su Pro Stock machine a influencia Aruba.com pa pusha desde principio te cu fin apesar di e temperatura cayente y a cualifica na di cinco lugar cu un 4.099. 

Nan posicion den riba e campo definitivamente tabata un ayudo riba e dia di careda, pero Eman y team tabata sa cu tabata tin 15 oponente fuerte mas cu no lo wordo gana facilmente. E team a mehora nan ritmo durante eliminacion, usando un 4.092 pa pasa Dwayne Rice den e prome rondo, cu a bira un 4.106 den e segundo rondo. Locual a hiba e team na semi-final tabata Eman su tremendo tempo di reaccion. Den e ultimo evento el a topa cu Cary Goforth den e semi-final. Goforth a gana e matchup pasa, cu a prepara Eman pa su venganza e biaha aki. Tur dos tin un tempo di reaccion hopi bon, pero e team di Aruba.com a haci tur e mihor decisionnan y a sali cu un 4.085 mientras Goforth a sali cu un 4.109. Team Aruba a cualifica pa nan prome finals di e temporada. 

Den e finals, nan a topa cu Buddy Perkinson di Enoch Love. Perkinson a sali di e liña prome, pero e Mustang di Aruba.com no a keda mucho leu. Un bes mas, e team a yega na nan mihor tempo pa e weekend, usando un 4.079 na nan prome victoria di 2017. 

“Tabata un placer pa enfrenta e team di E Love den e final,” e campion di e Spring Nationals a bisa. “Nos tin un bon historia cu Enoch Love y tabata great pa wak e den e careda y tope hunto cu e famia Perkinson den e final. Petje af pa e team di E Love y Perkinson pa nan esfuerzo e weekend aki.” 

“Den e Pro Stock class, tur rondo ta un rondo dificil pa gana,” Eman a sigui. “Tur rondo ta mesun dificil, si no mas dificil, cu e prome. E logro aki no a wordo regala na e team, el a wordo mereci cu hopi esfuerzo.” 

“Tabata un dia hopi largo awe, pero e team a traha hunto mas duro cu nunca,” Eman a bisa. E esfuerzonan aki a pone nos y nos partners, Aruba.com y Aruba Airport Authority, den e circulo di ganadornan. No solamente nos kier gana rondo y careda, pero tambe nos tin un bon team dinamico representando nos partners. Apart di e esfuerzonan pa traha riba nos auto entre rondo y preparando e, nos semper ta percura pa tuma e tempo pa papia cu nos fans tocante Aruba y e con facil e ta pa biaha pa nos pida di paraiso.” 

Mane nos a hasi e rondonan ayera, nos a haya mas y mas hende ta bin serca nos,” el a sigui. “E tabata great cu nos tabata tin fans cu ta sigui nos di cerca. Hunto cu nos fans na e pista, tambe nos tabata tin nos fans, amigonan y seguidornan mirando nos Live Feed di e evento riba nos pagina di Facebook. E tabata nice pa sa cu nos tabata tin hende ta sigui nos careda te cu oranan laat durante e final.” 

No solamente tabata cayente y e condicionnan di e pista tabata dificil, pero adicionalmente, Team Aruba a encontra un complicacion mecanico. “Nos tabata den preta cu locual nos a sospecha pa ta un shock issue e weekend aki,” Eman ta splica, “y nos tabata tin e oportunidad di tin Adam y Andy Lambert di e Precision Racing Shocks pa bin y yuda nos cu esaki. Nos tabata hopi agradecido pa nan sosten riba e dia di careda.” 

Cu nan tremendo logronan e temporada aki solamente: un victoria y un semi-final. Team Aruba ta den un bon posicion pa competi pa e World Championship di 2017. “E resultadonan di e weekend aki tabata exactamente loke nos tabata kier a logra despues cu esaki no a pasa na GALOT. Awo, nos mester mantene nos triunfo nan cu e rondonan. Nos ta pura pa e siguiente evento na Budds Creek den solamente dos siman unda cu nos lo ta continuando cu nos meta.”

 E PDRA North-South Shootout lo tuma lugar dia 1-3 di Juni na Maryland International Raceway na Budds Creek, Maryland, un area cu ta conoci pa su amor pa careda di door-car. 

Sigui Team Aruba riba Facebook y Twitter pa mas resultado di careda, team updates, videonan y potret. Tambe bo por laga bo comentarionan pa duna Team Aruba un apoyo!

- Advertisement -

DUNA COMENTARIO

Please enter your comment!
Please enter your name here