Home Suceso Victima haya morto cu tiro den cabez na Jaburibari

Victima haya morto cu tiro den cabez na Jaburibari

7177
0
SHARE
— Autoridad preparando pa seya e area.
- Advertisement -

ORANJESTAD (AAN): Dialuna mainta a habri cu un dolor di cabez pa Cuerpo Policial, pa busca tur evidencia y haya sa tur informe, di un caso di asesinato na Jaburibari.

— Momento cu Fiscal a caba di yega.

Tabata pa 5:21 am, cu e informe a drenta na Central di Polis cu tin un hende morto den un cas na Jaburibari.  Inmediatamente a dirigi un unidad di Polis di Noord pa e adres.

Ora cu Polis a yega, a bin haya un homber cu apariencia Asiatico, abao cu un plas di sanger rond di su cabez.  A nota cu e tin un herida di bala.  Ambulans tambe a yega, pero Paramediconan no por a haci nada mas, como cu e victima no ta duna pulso.  A nota cu un Docter mester bin eynan pa constata morto.  Pa 7:00 am, Dr. Cime Texier a constata morto.

Esey ta suficiente pa pone demas autoridad halto na altura, incluyendo Recherche Tactico, como tambe oficialnan forensico di BFTO , cu a seya e lugar di sucedido pa asina acumula delaster prueba cu ta presente, tanto paden di e cas, pafo, y te riba e caminda di santo su dilanti.

— Paramediconan por a haci nada mas pa e victima.

DIARIO a tuma nota cu Fiscal tambe a yega pa asina wordo poni na altura, y pa e mira e area di posible crimen aki.  Fiscal mr. Rammeloo a laga confisca e curpa.

E victima ta un persona di origen Asiatico, y e ta di vacacion na Aruba.  El a yega e isla aki for di Canada.

Vocero Policial a indica cu nan a bay cu un persona femenino rumbo pa Warda di Polis, pa interogacion.  Sea e ta testigo of kizas sa mas di e asunto.

PERSECUSION RIBA CAYA

Un rato despues, banda di 7:40 am, un persecusion a cuminza na altura di McDonald’s Palm Beach di un KIA Sportage color cora cu number V-966.  E chofer na e momento di a wak patruya di Polis, pa un motibo of otro a pasa door di luz cora, treciendo bidanan di otro na peliger.

E chofer a primi trot, sigui core bay nengando e señal di para duna pa Polis.  Polis a start cu persecusion, y asina varios unidad riba caya a sali duna man.

E persecusion a termina na altura di Ceque College MAVO banda di Aruba Bank Hato, unda e chofer a bay haci un U-turn mey-mey di caminda, pero e unidad di Polis a bin riba dje, dal e y pushe y pone bolter den e greppel.  Polisnan a baha cu nan arma apunta riba nan.  Aki 5 persona a wordo deteni, 3 masculino y 2 femenino.

Durante persecushon un di personanan den e auto a tira un gran cantidad di biyete for di auto y probablemente mas cos, incluyendo celular. Na unda e biljetenan a wordo tira ariba caminda un cantidad a wordo tuma den beslag.

Investigashon lo determina si nan tin di haber cu e caso na Jaburibari.  Tur esaki Recherche tin di bay investiga, y check si acaso e tin di haber cu e asunto of no.  Esnan cu tin tip, of cu por tin grabacion di security camera pafo di nan cas, ta ser pidi pa yama Tipline di Polis na 111-41.

Esaki ta un noticia den desaroyo, y DIARIO Online lo sigui update e posting aki asina cu ta necesario.

Last Updated:  1:34 pm

- Advertisement -

DUNA COMENTARIO

Please enter your comment!
Please enter your name here