Accidente na Barcadera a laga tres persona herida

ORANJESTAD   (AAN): Diaranson mainta a tuma luga un accidente riba caminda di Barcadera poco p’ariba di Total Services, unda cu un Toyota Yaris blanco lo a lora dilanti un Kia Rio blauw scur, cu e consecuencia cu esaki a dal den dje.

Den e  accidente aki tabata tin 3 hende herida. Fuera di presencia  tambe a pidi pa ekipo di rescate di brandweer tabata tey presente pa asina libera un di e pasaheronan cu tabata pega den auto.

Tur e 3 heridonan a keda transporta pa hospital.