Home Hudicial Aclareacion di confusion cu a lanta relaciona cu cosnan den beslag cu...

Aclareacion di confusion cu a lanta relaciona cu cosnan den beslag cu lo a bay back pa sospechoso Croes

94
0
SHARE
- Advertisement -

ORANJESTAD(AAN)—- Den medionan di comunicacion, a start un confusion tocante e hecho cu supuestamente lo a debolbe cosnan cu lo a wordo tuma den beslag cerca sospechoso Paul Croes. Ministerio Publico ta haya hopi importante pa aclarea e confusion aki.

Durante e investigacion IBIS, huez-comisario a tuma cosnan den beslag na Bestuurskantoor, bao di cual cosnan for di oficina di sospechoso Croes.

Recientemente algun di e cosnan cu a wordo tuma den beslag na Bestuurskantoor, a wordo debolbi na Bestuurskantoor.

Bao di e cosnan aki tin algun USB-stick, computernan, laptopnan y un telefon blackberry.

Si algun di cosnan aki a wordo duna na sospechoso Croes door di Bestuurskantoor of den nomber di Bestuurskantoor, no ta conoci na Ministerio Publico, ni e ta responsabilidad di Ministerio Publico tampoco.

E cosnan cu huez-comisario a tuma den beslag den e investigacion IBIS den cas di sospechoso Croes, no a wordo duna back na Croes. E cosnan aki ta sigui den beslag.

Cosnan cu wordo tuma den beslag na benificio di waarheidsvinding den un investigacion, ta wordo debolbi asina cu e investigacion riba e cosnan ey ta cla.

Cu cosnan wordo debolbi na un sospechoso durante e investigacion penal no ta bisa nada tocante e sospecho of e resultadonan di e caso penal. E ta nifica unicamente cu e investigacion riba e cosnan specifico ey ta cla.

- Advertisement -

DUNA COMENTARIO

Please enter your comment!
Please enter your name here