Home General Adictonan cu ta molestia habitantenan ta wordo obliga pa ricibi tratamento

Adictonan cu ta molestia habitantenan ta wordo obliga pa ricibi tratamento

80
0
SHARE
- Advertisement -

Proceso pa kita adictonan for di caya ta largo

ORANJESTAD   (AAN): Recientemente Minister di Husticia tabata den bario di Playa Pabou, pa atende keho di e habitantenan relaciona cu e situacion di adictonan causando problema. Tin diferente grupo y hopi biaha lidera pa Polis cu ta duna guia na e proceso pa saca adictonan for di cierto bario of for di caya. Ultimamente Polis ta uzando e formula aki hopi pa yuda diferente fundacion y instancianan di gobierno.

Asina ey nan ta percura pa un periodo basta lihe logra di yuda adictonan. “No ta tur ora nos por tene nan hopi largo den tratamento, esey ta logicamente e meta. Awe a saca e adicto cu ta causa problema, e ta trece sushi den bario, uza droga y tambe e ta trece otro persona aki nan sea nan ta bin cumpra of uza droga”, asina Minister di Husticia, Mr. Drs. Arthur Dowers, a remarca.

E habitantenan a sclama bastante y e problema aki ta pasa den pasado pasobra tur departamento den e caso aki, DOW, Kadaster, Cuerpo Policial y City Inspector a percura pa haci e bario completamente limpi. E adicto a bay tratamento y Minister Dowers ta spera cu e por keda largo den e tratamento.

Minister Dowers no sa con grandi e tereno ta, pero el a compronde cu e tereno aki ta gobierno bek y lo dun’e na un persona cu si por y kier traha un cas pa duna e bario un realce. Pero tambe pa duna un hende cu tin necesidad di haya un tereno. Ta importante cu mester realisa cu e proceso ta largo, pasobra no ta asina cu cada bes tin problema asina gobierno por actua lihe. “No ta tur ora tin un claridad en todo caso di ken e tereno ta y si por actua of no. Den e caso aki ta uno cu e consecuencia ta di tanto pe habitantenan cu mester a actua”, Minister Dowers a expresa.

E habitantenan a expresa cu e situacion cu nan tabata biba den no tabata uno facil, pasobra nan no por a drumi. Riba e tereno hopi choller y ladron tabata yega eynan y nan ta horta tur ora den e casnan. Tabatin un habitante cu su cas a pega na candela 4 biaha y nan ta haya cu esey tabata algo teribel. Nan ta gradici Minister Dowers hunto cu Polis y tur otro departamento pa a yuda nan cu e situacion aki.

 

- Advertisement -

DUNA COMENTARIO

Please enter your comment!
Please enter your name here