Home Politica Alan Howell ta desea pa bira e homber cu pueblo por depende...

Alan Howell ta desea pa bira e homber cu pueblo por depende ariba dje

119
0
SHARE
- Advertisement -

ORANJESTAD (AAN): Segun Alan Howell, cu tin cos nan mester cambia na Aruba, no ta un secreto.

Cu cos mester bira mihor, tampoco no ta un secreto y cu pueblo kier politiconan cu bo por depende riba dje pa traha berdaderamente pa e pueblo, ta e maximo deseo di nos pueblo.

Muy specialmente nos hendenan di pariba di brug y San Nicolas ta den necesidad grandi di un figura modelo cu “leadership” y cu stima Dios, stima mucha, nos hobennan y nos hende grandi nan. Un persona cu stima hende y cu ta biba cu hende so lo por haci e diferencia tan spera.

Como politico bo mester por kier atende hende y scucha e dolor di pueblo na tur momento y no solamente ora di campaña un biaha den cada 4 aña ta bin den e bario nan, drenta cas di hende cu promesa y parti plaka, baha bandera di otro partido pa voto.

Tristo ta pa mira cu ministernan y parlamentarionan den gobierno ta ta uza e tactica aki tur eleccion y den bario nan di menos recurso. Masha “vies” mes e cos aki ta y sigur no e mihor ehempel como gobierno.

Alan ta contento si cu pueblo y nos hende nan di pariba di brug ta mandando señalnan cla y raspa cu eleccion 2017 aki, soborna y cumpra hende no ta bay traha. Mabon ta un bario modelo cu sigur a manda e mensahe aki cla y raspa pa gobierno, cu color di partido no ta esun cu ta bay manda e eleccion aki. loke ta conta ta e homber cu nan ta mira den dje pa haci e diferencia y trece cambionan tan spera pa un y tur.

Pueblo ban keda fuerte. Ban scohe pa mihor. Alan ta desea di por ta e persona, pa demostra na nos digno pueblo y na e politiconan anticua con ta haci cos bon y sirbi pueblo di curazon.  “The small man for the people and the people for the small man”. “Together we can make it better”.

- Advertisement -

DUNA COMENTARIO

Please enter your comment!
Please enter your name here