Home Hudicial Alex Mathew deteni manera el a sali for di Corte

Alex Mathew deteni manera el a sali for di Corte

515
0
SHARE
- Advertisement -

Corte Supremo a confirma sentencia di 5 aña di prison pa caso Foxy Lady

ORANJESTAD   (AAN): Diahuebs mainta, mientras cu den un di e salanan di Corte di Husticia tabata atende casonan penal, den un otro sala tabata atende e sentencia cu Alex Mathew a apela relaciona cu e caso Foxy Lady, cu Ministerio Publico a duna e nomber Strea.

Corte den Promer Instancia a condena Alex Mathew na 3 aña di prison pasobra e ta wordo haya culpable di traficacion di e muhernan cu tabata traha den e club nocturno. Tambe e ta wordo haya culpable di lo a forza e muhernan haci cosnan y tambe ta ser papia di lo a maltrata y menaza. Tratamento di e caso a dura hopi tempo ya cu a busca manera pa interoga e muhernan cu a bay bek den exterior.

Ta asina cu Mathew no tabata di acuerdo cu e sentencia y el a apela esaki. Corte Superior a trata e caso y a haya Mathew culpable. Corte Superior a subi e castigo di 3 pa 5 aña di prison.

Mathew a apela e sentencia aki tambe y Corte Supremo na Hulanda a trata e caso. Despues di un periodo, Mathew a wordo laga liber. Na April 2017, Corte Supremo a declara Mathew no admisibel o sea cu e sentencia di 5 aña di prison ta keda valido.

Mathew tabatin un periodo cu e por a pidi gracia na Gobernador pa cu e castigo cu e mester sinta ainda. Ta asina cu Mathew no a bay pidi gracia y esey ta haci cu e sentencia di 5 aña di prison mester keda ehecuta.

Ayera mainta tabatin e caso via screen cu Hulanda y el a wordo informa cu e mester bay caba di sinta su castigo.

Pafor di edificio di Corte tabatin tres agente di Polis ta warda Mathew. Por a nota cu un di e agentenan, tabatin e orden di detencion den su man.

Na momento cu Mathew tabata pa sali for di edificio di Corte, e agente a bisa Mathew cu e ta keda deteni y el a wordo geboei. El a wordo hiba KIA caminda awor e mester bay sinta e resto di e 5 aña di prison cu ainda e falta.

 

- Advertisement -

DUNA COMENTARIO

Please enter your comment!
Please enter your name here