Home Hudicial Alonso Tromp a perde caso den Corte contra Andin Bikker y KvK

Alonso Tromp a perde caso den Corte contra Andin Bikker y KvK

253
0
SHARE
- Advertisement -

ORANJESTAD(AAN): Hues a tuma un decision riba e caso cu a worde entama door di Alonso Tromp contra Andin Bikker/PDR. Ta keda un disputa kende ta dirigi e partido PDR na e momentonan aki. E directiva nobo of directiva bieu.

E decision a worde tuma pa hues y a sali na fabor di Andin Bikker.

Hopi hende den mundo politico tabata pendiente pa wak kico hues ta bay dicidi. Ya pa algun luna caba tabata buscando caminda pa corte, pa asina hues analisa, despues cu Camara di Comercio a bisa cu tin un diferencia di opinion kendenan lo ta presidente di directiva di PDR.

Andin Bikker a comenta cu pa lunanan largo sr. Alonso Tromp y e grupito banda di dje a crea duda riba e partido cu el a funda na 2004 y cu apenas den 2014, cu apenas un par di siman el a aparece riba lista y despues a disparce for di arena politico, pasobra e no a haya e number cu e tabata kier riba e lista di POR.

Na su cas a traha riba e protocol, y el a coopera tur e tempo pa forma partido POR y door cu e no a haya siguransa pa un number cu e tabata kier riba lista di POR, el a cuminsa cu tur sorto di procedura cu a bin resulta di no tabata tin base.

Corte a rechasa riba tur punto categoricamente tur e hazañanan cu el a purba di haci pa e haya su kier.

Bikker ta gradici awe cu a sali for di tur duda. E no ta worde considera como miembro y e grupito tampoco. Y basicamente corte a bisa cu e situacion ta hopi bizar cu un persona cu no ta miembro ta bin purba cu un grupito di 10 hende.

Democracia Real a bay 3 eleccion. Cada bes a renoba e lista. Den su concepto tabata tin miembro cu a aparece riba lista y e mester a yama tur. Selectiva el a scoge 10 amigo cu no ta miembro pa purba di organiza un reunion cu a bin resulta di no ta valido y corte a dicta y a haya rason riba tur punto y a rechasa tur punto cu sr. Tromp y su grupito a trece dilanti.

Awor aki por cera e capitulo segun Andin Bikker.

For di cuminsamento a bisa cu tin un protocol di cooperacion. Ta na e personanan cu a firma e protocol aki y PDR pa dicidi cua di e partidonan lo presenta Lista. Door cu Tromp a bin ilustra un luz menos positivo riba PDR tur e lunanan aki. Ta bay dicidi den e proximo dianan kico ta bay haci, pero no ta keda na Tromp pa dicidi esaki.

OTRO BANDA:

Sven Faarup, abogado di Alonso Tromp, a haya e sentencia y lo bay studia esaki. E ta bay sinta cu su clientenan y a mira riba riba e vonnis y hues a papia di e legalidad di e grupo di Alonso Tromp y tambe si e grupo di Bikker tambe ta miembro of no y si e reunion teni door di e resto di miembro ta na ordo of no. Na final e hues a bisa na final e ta nenga e peticionnan haci na corte.

Awor aki tin cu bay wak kico ta e siguiente paso, si e ta bay cuminsa un otro procedura den corte, mirando cu e tempo ta cortico pa eleccion.

Den e caso aki, tin hopi cos no tabata cla y desorganiza. Hues a admiti cu durante tratamento di e caso, tin hopi cos no ta corecto. No tabata tin un claridad kendenan ta miembro di e partido of no. Den tur esey a trece cune cu hues a yega na e decision eynan.

Cualkier otro procedura por start y e clientenan di Faarup lo bay dicidi ki pasonan lo worde tuma.

 

 

- Advertisement -

DUNA COMENTARIO

Please enter your comment!
Please enter your name here