Home Enseñanza Anfernee Emerenciana a obtene su Bachelors of Science den Aviation Meteorology with...

Anfernee Emerenciana a obtene su Bachelors of Science den Aviation Meteorology with Flight na Universidad di Florida Institute of Technology

83
0
SHARE
- Advertisement -

ORANJESTAD    (AAN):  Na juli di aña 2013 Anfernee Emerenciana a gradua for di Colegio Arubano y a sali rumbo pa Florida Institute of Technology na Melbourne cu un solo meta su dilanti; haci su soño di bira piloot un realidad.

Na Maart 2014 el a obtene su prome licencia cual ta su Private Pilot License y na Mei 2015 el a logra obtene su Commercial Pilot License.

Cu un pasion den e ramo di Aviacion el a continua su trayecto y na Juli 2016 el a obtene su licencia di Certified Flight Instructor (CFI). Como CFI  Anfernee a inicia un carera nobo y a cuminsa traha part-time dunando les na studiantenan di Universidad cu tambe ta den e trayecto di bira piloot.

Na e mesun momento y durante cuater aña Anfernee tabata studiando meteorologia. E diploma di Bachelors of Science den Aviation Meteorology with flight ta duna un studiante e conocemento cientifico (wetenschappelijk kennis) den e ramo di Ciencia Atmosferico / Meteorologia cu e concentracion den e area di aviacion. E diploma ta cumpli cu e rekisitonan di un Meteoroloog stipula pa American Meteorological Society.

Anfernee Emerenciana ta e unico studiante den e cohort di 2013-2014 di College of Aeronautics cu a obtene e diploma di Bachelors of Science den Aviation Meteorology with flight.  Actualmente Anfernee ta trahando na Florida Institute of Technology como CFI. Despues e lo continua su carera como piloot profesional cu un compania di aviacion.  Alaves eta evaluando pa den futuro sigui cu su Masters den Meteorologia of Masters den Flight Test Engineering.

Den nomber di su rumannan Derviori Emerenciana y Jomir Vrolijk, su wela Sra. Jane Richardson y su mayornan Joan y Verio Emerenciana kier gradeci un y tur cu a manda felicita nan famia.

Ta desea Anfernee Emerenciana cu apenas a cumpli 21 aña tur clase di exito den su carera profesional.

 

 

 

- Advertisement -

DUNA COMENTARIO

Please enter your comment!
Please enter your name here