Artista hoben y talentoso “Esha” a lanza su produccion nobo “Dangerous”

    56
    0
    SHARE
    - Advertisement -

    Contando cu sosten di empresarionan local y internacional

    ORANJESTAD    (AAN):   Diamars anochi den ballroom di Alhambra Mall & Casino tabata tin e lanzamento di e disco nobo di e hoben talentoso Esha.

    Den presencia di invitadonan special y prensa, Esha a devela e imagen cu ta aparece riba su disco “Dangerous”.   Esha ta un mucha muher di 15 aña cu a nace na Aruba di mayornan hindu.

    El a lanta cu vocacion pa musica unda ademas di un bunita voz e ta toca algun instrumento.  Esha su voz ta di un calidad fuerte y por compare te hasta cu e stem di e calidad di e artistanan bon conoci na nivel internacional.

    Durante e lanzamento di “Dangerous” el a haci donacion di e suma di Afl. 1000.00 na fundacion Autismo. Esha ta un mucha muher cu ora e tabata chikito el a wordo diagnostica cu autismo. Musica tabata un terapia p’e y alavez un desafio.

    Cu sosten di su mayornan y cu ayudo profesional, Esha a logra yega te na unda e ta awe. El a firma un contrato cu Copeland Tucker Group di Nashvile, kendenan ta manehando su carera musical. Pero tambe el a conta awo cu sosten di empresarionan local manera Luis Miguel Mansur di Aruba Summer Music Festival y Eric Eman di Caribbean Sea Jazz Festival unda Esha lo forma parti di e line-up.

    Un pabien na Esha cu e lanzamento di su produccion y di parti di DIARIO nos ta dese’e hopi exito.

     

    - Advertisement -

    DUNA COMENTARIO

    Please enter your comment!
    Please enter your name here