Home Turismo ATA a gana premio maximo di mercadeo y benta

ATA a gana premio maximo di mercadeo y benta

46
0
SHARE
- Advertisement -

Duna pa CHTA

ORANJESTAD (AAN): Pa e di tres aña consecutivo, e conocido CHIEF Awards (Caribbean Hospitality Industry Exchange Forum) a tuma luga na Miami – Merca, na unda a otorga premionan di excelencia relata cu e industria di turismo. E premio ta worde otorga door di Caribbean Hotel & Tourism Association (CHTA).

CHIEF awards a consisti di 4 categoria, cual ta Business Operations, Mercadeo y Benta, Responsabilidad Social y Sostenibilidad Ambiental.

Aruba Tourism Authority un biaha mas a destaca y a gana e premio maximo pa ‘Excelencia den Mercadeo y Benta’, esaki pa e campaña yama ‘Local Shortcut Series’ como tambe pa e ‘Insta Adventures’ na unda e bishitante ta worde invita pa cera conoci cu nos destinacion na un manera interactivo, esaki prome cu nan pone pia riba nos isla. Esaki ta un otro manera pa crea interes pa scoge nos isla como nan destinacion preferi pa pasa nan vacacion.

Esaki ta e di dos aña cu A.T.A. ta ricibi reconocimento pa su trabaonan excelente como destinacion den Caribe for di e asociacion aki, na cual hotelnan entre otro esnan di Aruba ta afilia.

Riba e potret por mira Sr. Ed Malone, director di A.T.A. Norte America, kende a ricibi e premio for di e asociacion.

 

- Advertisement -

DUNA COMENTARIO

Please enter your comment!
Please enter your name here