Home Policial Atracador di banco a wordo tira y complicenan tambe deteni

Atracador di banco a wordo tira y complicenan tambe deteni

1100
0
SHARE
- Advertisement -

ORANJESTAD,(AAN); — Tataba diabierna ultimo parti mainta den careda di 9’ or, centro di alarma 911 Sint Maarten a ricibi diferente yamada relaciona cu atraco arma na Scotia Bank situa na Simpson Bay y tin diferente hende homber envolvi. Esnan cu a yama a suministra tambe descripcion di e hombernan sospechoso y modelo di autonan den cual e tiponan aki ta core. Inmediatamente diferente unidad di polis a wordo dirigi den e direccion pa saca afor kico ta tumando lugar.

Na e banco nan ta yama mas informe adicional un polis no riba servicio cu tambe ta sigui e mensahenan a involve na mes den e buskeda di e vehiculo cu e atracadronan abordo. Un rato despues un di e vehiculonan a wordo señala pa polis y tabata trata di un Hyundai Accent color di plata sin plachi number den area di Simpson Bay.

Cu velocidad halto a bay tras di e vehiculo pa forza e chofer pa para . Na dado momento e sospechosonan a logra bula bao y core bay na pia direccion di  Simpson Bay Beach y mientras tanto un di e sospechosonan a saca un arma candela parecido na un rifle bao di su flanel y a mik esaki den direccion di polis.

Polis no a bacila y a saca su arma di trabao y a dispara den direccion di a atracador y consecuentemente e sospechoso a laga e arma cay y el a core pero no por a huy mas debi cu e tabata herida y asina a wordo aresta mesora.

Ora a listra e sospechoso a resulta cu e tabatin un arma di candela caliber 45 den su poder.

Mientras e rifle cu e sospechoso tabatin den su posecion tabata un AK-47 cu ta un un rifle pisa. Polis a confisca ambos arma. Paramediconan a atende e atracador na e sitio mes y nan a transport’e pa Sint Maarten Medical Center pa mas trato medico.

Buskeda masal a tuma lugar entre otro a participa departamento douane, patruyanan di polis, Coast Guard y Gendarmes di parti Frances. Durante cooperacion entre e tres departamentonan aki den un tempo relativamento corto di mas o menos mey ora a detene e tres otro sospechosonan.

Durante nan detencion a wordo haya y confisca un bag cu ta contene bastante placa cash cu e atracadornan a horta na banco.  E hefe di polis Carl John ta hopi orguyoso y a comenta cu su oficialnan a haci un “JOB WELL DONE” y a demostra nan nivel di profesionalismo. Ademas “Chief di Polis” a gradicie otro organisacionan cu tabata envolvi den operacion pa nan tremendo esfuerso. E investigacion ta continua.

Riba un di e fotonan por mira e atracador herida “Otto” di St. Kitts y tambe e armanan.

 

- Advertisement -

DUNA COMENTARIO

Please enter your comment!
Please enter your name here