Home Policial Atracadornan arma na Socotorolaan a bay cu 10.000 Florin di negoshi

Atracadornan arma na Socotorolaan a bay cu 10.000 Florin di negoshi

332
0
SHARE
- Advertisement -

ORANJESTAD (AAN): Un caso di atraco a tuma lugar Diabierna mainta, y anti-socialnan a logra di bay cu como 10.000 Florin.

Tabata algo prome cu 11:45 am, cu Central di Polis a haya un yamada indicando cu un atraco a caba di tuma lugar na un negoshi na Socotorolaan.  Esaki ta e caya banda di Servicio Postal bay pabao.

Mesora unidad di Polis a yega na e lugar, y aki a tuma cu un dama hoben, kende a splica cu dos hende homber a drenta e negoshi, y ambos tabatin arma di candela den man.  Nan no tabatin cara tapa.

E dos hombernan a papia tanto Spaño y Papiamento.   E prome atracador tabatin flanel preto cu jeans bisti, y su color di cuero bruin.

E otro tabata tin un flanel cora y jeans bisti, ademas un petchi riba cabez, y su color di cuero ta bruin scur.

Nan a exigi placa, y asina a bay cu mas o menos 10.000 Florin, como tambe 2 cellular.  Y no por a wak si nan huy na pia of den auto.

Atraco team a presenta pa cuminza investiga, y pa busca contesta na varios pregunta, esta con e atracadornan por sa cu tin asina suma grandi di placa eynan.  Tambe a manda busca Slachtofferhulp pa yuda e victima.

Ken cu por a wak algo yama tiplijn di polis 111-41.

- Advertisement -

DUNA COMENTARIO

Please enter your comment!
Please enter your name here