Home General Ban yuda un studiante cu ta sufriendo di Lyme Disease

Ban yuda un studiante cu ta sufriendo di Lyme Disease

111
0
SHARE
- Advertisement -

E lo a haya e malesa 7 aña pasa na Aruba…

ORANJESTAD (AAN): Un par di aña pasa, el a cuminza cu hopi bon animo na su estudio di periodismo na Zwolle, Hulanda.  Pero awor e studiante Alicia Kellner di 23 aña di edad, ta pasa gran parti di su dia den cama.

E ta benta den cama, debi na Malesa di Lyme (“Lyme Disease”), y sorprendentemente nan ta bisa cu el a bira malo, debi cu un purga a dune un pica ora e tabata na Aruba.

E ta un sorpresa, pasobra Lyme Disease, ni Erythema Migrans (asocia cu Lyme) ta wordo haya den Caribe.  Esey segun informacion riba website di National Institute of Health di Gobierno Mericano.  Nan ta indica cu malesa di Lyme ta geograficamente limita!

Pero famia ta indica cu Alicia a haya e malesa aki debi na e pica di un purga siete aña pasa tempo e tabata biba na Aruba.  DIARIO sa cu e posibilidad ta existi cu hende por importa cualkier mascota for di e.o. Merca, y e animal por viaha y bin cu e purganan aki riba su cuero, sin cu ningun hende sa.  Pero en general, no tin Lyme Disease na Aruba.

Awor Alicia ta na Hulanda unda e ta sufriendo asina hopi tempo caba di e malesa, y awor parce cu Docter ni cientificonan na Hulanda no por yude mas.

Como ultimo recurso, e famia awor kier busca forma pa purba un terapia experimental na Alemania.  Esaki costa placa, y pesey un accion pa recauda fondo a wordo teni pa por logra acumula e 20.000 Euro necesario.

El a viaha originalmente pa Zwolle pa sigui educacion na Hogeschool Windesheim, pero el a haye obliga na stop cu su estudio.  E malesa ta dal bo duro.  Despues el a inscribi na Deltion College, pero aki tampoco e no por a sigui tuma les.

Segun su  mama Carolien Kellner, awor su yiu ta na cas.  Su bida ta yen di dolor y cansancio.  E no por ni soporta claridad di luz, y pa tur su diligencia diario, e mester di yudanza.  Malesa di Lyme ta causa arthritis y problemanan neurologico.

E studiante a haya tur clase di tratamento na Hulanda, tanto di medicina regular como tambe alternativa.  Pero e ta djis sigui bira mas malo.

E tratamento na Alemania, ta basa riba antibiotica natural, y ta ofrece speranza, segun su mama a bisa.  El a mustra cu un amiga di Alicia a sigui e tratamento ey y a logra haya resultadonan bon cune.  Nan no sa si acaso e lo bay funciona pa Alicia, pero nan ta haya cu tog mester bay purba esey.

Via e website di gofundme.com e famia a cuminza cu un accion di recauda fondo pa por acumula e 20.000 Euro necesario.  E ta un paso grandi, y ta duro pa pidi hende p yuda cu placa, pero esaki ta pa yuda un persona ainda hopi hoben.

Esnan cu kier yuda por bay riba Internet na: http://bit.ly/2rywVAT

- Advertisement -

DUNA COMENTARIO

Please enter your comment!
Please enter your name here