Home Estilo Cantidad di matras combina cu arte na Boutique di Matras

Cantidad di matras combina cu arte na Boutique di Matras

39
0
SHARE
- Advertisement -

Paul Schouten ta splica:

ORANJESTAD (AAN) – Señor Paul Schouten, Manager Director di Boutique di Matras, a duna di conoce den entrevista cu Matutino DIARIO, cu nan tin un showroom cu cantidad di matras special.

Nan ta parti di Cas di Max, pero nan ta ubica na Scotlandstraat.

Den un entrevista cu Matutino DIARIO a duna di conoce cu nan tin 14 diferente sorto di matras, specializa, y nan ta di cuater diferente marca.

Tin pa diferente poder di compra, kiermen di prijs abao te prijs halto. Comunidad por bin mira den e showroom, cu hasta hendenan por bin drumi pa test wak cual matras pa nan ta e mihor.

Importante ta, sr. Schouten a subraya, e calidad, e servicio, y cu e persona haya e matras adecua pa e por drumi riba dje. El a agrega cu no necesariamente esun di mas caro ta e mihor pa un hende specifico. Por ta esun mas economico, y importante ta cu e persona tin su ocho ora cu e mihor soño.

E negoshi tin cuatro muraya cu nan ta comparti cu artistanan local, di manera cu nan por trece nan arte y nan ta wordo colga riba e murayanan aki. E persona por busca su artista den facebook, of e negoshi mes y asina tin un situacion di ganashi pa ambos banda pasobra e cliente cu ta bin wak e matras ta mira e arte tambe y esnan cu ta bin pa e arte ta wak e matras y asina hende local ta yuda e hende local, cu ta algo cu awendia nos ta perdiendo den nos comunidad, segun sr. Schouten a expresa. E tin algun mueble pero mas tanto decorativo aunke e por bende nan.

 

Pa loke ta concerni mueble, nan ta keda den Cas di Max na Meiveld, cu ta keda habri den horario normal, unda tin set di sala, cama y cashi, y tur loke pueblo ta custrumbra di haya den Cas di Max.

El a subraya cu nan ta e dealer oficial di marca Sealy na Aruba. Tur cos cu por mira den television of facebook di marca Sealy, nan ta para su tras y tanto Cas di Max y Matras Boutique no ta bende garantia. Nan ta asina sigur di nan producto cu esaki ta bin cune.

 

 

 

- Advertisement -

DUNA COMENTARIO

Please enter your comment!
Please enter your name here