Home Hudicial Caso di asalto fatal den Wayaca lo wordo trata den Corte Diabierna

Caso di asalto fatal den Wayaca lo wordo trata den Corte Diabierna

73
0
SHARE
- Advertisement -

ORANJESTAD (AAN) – Diabierna awor Corte den Promer Instancia ta trata e lamentable caso di asalto arma fatal cu a sosode den Wayaca, caminda a tira un dama Chines mata mientras cu su casa a resulta herida door di e asaltante.

Na April 2017 e dos sospechosonan e Chines P.F. y e Boneriano J.E. a bay Corte pero esaki tabata un reunion pa Hues y abogadonan haya sa con leu ta cu e investigacionnan. E caso a keda posponi pa Diabierna awor 30 di Juni 2017.

ASALTO ARMA FATAL

Na Januari 2017 caba e sospechosonan a presenta den Corte caminda Fiscal a acusa P.F. y J.E. di hunto riba 13 September 2016, a tira mata e dama Chines durante un asalto arma na Wayaca. Fiscal a mustra cu a tira e dama Chines den cabez, mientras cu a herida e casa tambe. Nan a bay cu un suma di placa, un cadena, telefonnan y un auto.

Ademas Fiscal a acusa nan di a purba mata e casa y e yiu homber. A tira den direccion di nan curpa. Esun cu a tira tabata J.E. mientras cu e Chines P.F. ta famia di e dama Chines cu a tira mata.

Fiscal a bisa cu ademas P.F. ta wordo acusa di ta complice di a suministra informacion y a planea e asalto arma.

FALTA INVESTIGACION

Na April 2017, pa sera exacto dia 7 di April 2017, e sospechosonan a bolbe presenta den Corte y Fiscal a splica Hues y e abogadonan, cu e procesverbaal oficial ta cla pero ainda mester laga spychiater evalua e sospechoso Boneiriano J.E. Tambe tin algun investigacion cu mester haci entre otro riba e rutanan cu sospechosonan a core cu auto y tambe check e yamadanan riba cellular cu nan a haci. Tambe ainda mester traha riba e declaracion di e sospechoso Chines P.F. a base di interogacion cu a haci ultimo. Fiscal a bisa cu tur esakinan lo bin acerca di e procesverbaal oficial.

ABOGADONAN KIER INVESTIGACION

Hues a puntra e abogadonan si a base di loke Fiscal a bisa, nan ta desea algun invesigacion. Mr. Lejuez a pidi pa laga psycologo evalua su cliente, e sospechoso Chines P.F. Segun e abogado, su cliente ta dispuesto pa coopera cu esaki. Despues lo mira si lo mester laga psychiater tambe evalua. Tambe e abogado a pidi pa un traductor Chines.

Mr. Carlo a bisa Hues cu mr. Illes ta asisti’e den e caso aki, caminda nan ta representa e Boneiriano J.E. El a bisa cu promer cu a pospone e caso na Januari 2017, el a pidi pa evalua e direccion di tironan. E kier pa esaki tuma lugar ainda. Segun e abogado, tin potretnan saca pero no ta mucha cla con e impactonan di balanan ta.

E abogado tambe a bisa cu tin interogacionnan audio y e ta desea di haya esnan di su cliente. Motibo pa esaki ta pasobra el a confronta su cliente cu cierto di su declaracion y e cliente ta bisa cu e no a declara asina.

Fiscal a bisa cu no tin problema pa psicologo evalua P.F. Pa loke ta e peticion di direccion di bala, Fiscal a splica cu door cu e glas di e porta a kibra, no por determina direccion di tiro. E sospechoso mes a bisa cu el a kibra e glas cu loop di e revolver.

Abogado ta pidi pa traha un procesverbaal cu ta splica pakico no por determina e direccion di tiro. E ta haya cu mester tin potretnan bon di impacto di bala. Fiscal a splica cu tin un buraco den e glas door di cual despues a tira y ta dificil pa tin un imagen di impacto di e bala. El a keda di check cual potretnan mas di impacto di bala tin y lo manda pa e abogado.

Hues a pospone e caso pa diabierna awor. DIARIO lo cubri e caso y lo informa lectornan di tur loke a sosode den Corte.

- Advertisement -

DUNA COMENTARIO

Please enter your comment!
Please enter your name here