Home General Centro di Pesca Hadicurari cla pa celebra Dia di Piscado riba diadomingo...

Centro di Pesca Hadicurari cla pa celebra Dia di Piscado riba diadomingo 2 di Juli

22
0
SHARE
- Advertisement -

ORANJESTAD (AAN) — Sr. Clifford Rosa, den entrevista cu Matutino DIARIO, a trece dilanti cu manera tur aña, Centro di Pesca Hadicurari lo duna atencion e aña aki na Dia di Piscador, riba dia 1 di Juli.

Centro Hadicurari ta cla prepara pa celebra e dia aki. Ta conoci cu Dia di Piscador ta dia 29 di Juni (cu ta festeha San Pedro y San Pablo) y Centro di Pesca lo tene su celebracion diadomingo 2 di Juli, y manera custumber tin e famoso torneo di pesca cu hopi premio, segun sr. Clifford Rosa

E dia 1 di Juli tin e “Captain’s meeting” na Hadicurari mes, y e mesun dia aki por haci pedido y paga y asina haya t-shirt y otro material cu piscadornan ta uza.

Dia 2 di Juli e actividadnan ta cuminza for di 11’or di mainta te 6 or di atardi y asina e “captain’s meeting caba” e piscadornan por bay riba lama caba.

Dia di Piscador ta un tradicion mundial y sigur na Aruba. Centro di Pesca Hadicurari ta haciendo un inversion grandi pa e celebracion aki keda existi tambe. Clifford Rosa a menciona cu nan ta purba motiva hasta e piscadornan cu ta pisca na baranca, y tambe esnan cu ta subi lama cu e aspecto crioyo, pero lamentablemente no tin nada cu tin di haber cu e parti comercial.

No obstante esaki tin su banda positivo pasobra ta proteha nos lama pa e pesca, pero di otro banda e generacion nobo no ta mira interes pa bay den e mundo di pesca.

“Esaki si nos ta keda fomenta pa nos crea un dinamica pa e generacion nobo tin atencion special pa e tradicion cu tin di haber cu piscamento.

 

- Advertisement -

DUNA COMENTARIO

Please enter your comment!
Please enter your name here