Home General Ceramento di caminda San Nicolas- Oranjestad di mainta 9’or te atardi 4’or

Ceramento di caminda San Nicolas- Oranjestad di mainta 9’or te atardi 4’or

30
0
SHARE
- Advertisement -

ORANJESTAD (AAN) – Manera ta conoci den e brug di peaton na Pos Chikito trabaonan di mantenimento a cuminza mas cu un siman pasa. Esaki ta e di dos mitar unda cu a cera caminda di Oranjestad pa San Nicolas for di pariba di rotonde, pa asina no haci daño na e automobilistanan y nan auto, den circulacion.

Asina Ing. Marlon Croes, director di Departamento di Obranan Publico (DOW) a duna di conoce den un conferencia di prensa, reciente.

Awor aki ta bin na turno e di dos parti, cu ta esun p’anoord. E trabao aki a cuminza dia 1 di Juni awor y ta dura un siman, unda e trafico ta wordo desvia pa motibo cu biniendo di San Nicolas pa Oranjestas, e caminda ta cera y desvia via e ruta parallel cu ta pasa banda di DTI, sali na e tubo rotonde di Pos Chikito, y di eynan ta sigui bay Playa.

E caminda ta keda cera despues di 9’ or di mainta te 4’ or di atardi cu e ta wordo habri bek.

Brug bieu lo wordo moderniza:

Tocante e desaroyo di proyecto Green Corridor, Ing. Croes, director di DOW a subraya cu fisicamente esakinan ta bayendo bon y cu tur cos mester keda cla dia 14 di Augustus venidero.

E funcionario a indica cu e brug nobo, logicamente, no lo wordo utiliza pa peaton y esun bieu cu te ainda trafico ta core riba dje, lo wordo asigna pa un parke cu un zona peatonal, mata, etc., y e lo wordo treci na e normanan di awe pa garantiza e seguridad di e peaton.

Marlon Croes a acentua cu aunke tur proyecto nobo semper tin su sorpresanan na caminda, den e caso di Green Corridor a haci hopi preparacion intenso for di cuminzamento, pa minimiza e riesgonan cu por a surgi.

Un porcentahe minimo di riesgo a manifesta su mes ultimo tempo, pero apenas a señala e problema esaki a wordo atendi mesora, pa e no forma un retraso den e proyecto.

 

 

 

- Advertisement -

DUNA COMENTARIO

Please enter your comment!
Please enter your name here