Home Enseñanza Colegio Arubano sperando cu bastante alumno mas lo gradua cu her-examen

Colegio Arubano sperando cu bastante alumno mas lo gradua cu her-examen

437
0
SHARE
— Mihor graduado di VWO na Colegio Arubano.
- Advertisement -

ORANJESTAD (AAN): Na tur school di enseñansa avanza expectativanan ta halto ora 15 di juni ta yegando, pasobra e dia ei lo anuncia e resultadonan di e examen final. Asina tabata diahuebs 15 di juni e situashon tambe na Colegio Arubano, cual ta e school di mas grandi di Aruba.

E “bahamentu di Lista’ mas o menos 4:00 pm  tabata un evenemento masha special: masha hopi alumno hunto cu nan mayornan den un ambiente festivo.
Masha hopi alumno a partisipa na e prome buelta di e asina yama Centraal Schriftelijk Eindexamen (CSE1), esta: 228  alumno di havo 5 di cual ya 121 a slaag cu ta nifika 53%;  Tambe 119  alumno di vwo 6 di cual ya 77 a slaag cu ta nifika 65%.
E resultadonan di e prome buelta di e CSE ta satisfactorio.

Pa havo e aña aki a bin un exigencia aserka, esta 7 materia di examen (examenvakken) na lugar di seis. Pa vwo tambe a bin un exigencia acerca, esta e Rekentoets.

Ta spera cu bastante alumno mas lo slaag den e di dos buelta di examen. E ora ei havo lo por yega 65% y vwo 75 pa 80%.
Nan ta desea tur alumno cu ta bay traha un herexamen di nobo hopi exito. For di awor nos kier gradisi tur docente cu lo bay yuda alumnonan cu ta bay haci un herexamen pa ta exitoso durante e di dos buelta di CSE. Tambe nos kier gradisi tur dosente cu a duna les na e candidatonan, e demas personal  y e directiva di school pa nan aporte na e exito di e candidatonan di HAVO y VWO.

- Advertisement -

DUNA COMENTARIO

Please enter your comment!
Please enter your name here