Como 53% di candidatonan a gradua na HAVO

ORANJESTAD (AAN): Diahuebs atardi, un multitud di alumno como tambe mayornan, y interesadonan a subi riba Plaza Pa Jos na Colegio Arubano den Vondellaan, pa asina mira e resultado di 1e Tijdvak di Examen.

Y den e prome ronda, un total di 53% di Examenkandidaat di HAVO a gradua.  Inmediatamente por a sinti un ambiente di alegria, cu hopi lagrima di alegria, y mayornan feliz cu nan yiu a logra.

Esnan cu no a logra gradua, tin chens di bay pa Her-Examen, y asina logra kizas hisa e porcentahe di graduao pa HAVO.