Home Salud Curso di vacunacion ta pa tur hende den salud publico ta na...

Curso di vacunacion ta pa tur hende den salud publico ta na mesun nivel

4
0
SHARE
- Advertisement -

ORANJESTAD (AAN): Dialuna na Directie Volksgezondheid Aruba, dunadonan di cuido den e area di Salud Publico a cuminsa cu un curso cu lo dura ful e siman cu ta trata  e programa di vacunacion, siguiendo e linea di guia di WHO/PAHO.

Awendia esaki no ta diferente mas pasobra mayoria pais ta sigui e mesun programa di exigencia, e normanan cu WHO ta uza, esaki ta conta pa Reino Hulandes tambe, expertonan di RIVM di hulanda ta actualmente na Aruba pa duna e curso aki.

E programa di vacunacion aki na Aruba ta basta bon y minister di Salud Publico, Cuido di Nos Grandinan y Deporte, Dr. Carlos “Alex” Schwengle a gradici e empleadonan, pasobra danki na nan cu aki na Aruba e  porcentahe di vacunacion ta mas halto cu  95%. Pa por a yega na e porcentahe aki esaki a rekeri hopi esfuerso. Ta yega e 80% facil, pero e ultimo 15% pa yega e 95% ta rekeri hopi esfuerso di un team y e logra aki no ta debi na esfuerzonan di  DVG so.

Jeugd Gezondheidszorg di DVG ta traha hunto cu Wit Gele Kruis, cu otro partnernan manera DBZ y ta importante pa tur partner ta debidamente informa di delaster desaroyonan den e campo di vacunacion. “Pa añanan nos no a inverti suficiente den nos trahadonan y esey ta un cos cu mi a boga na e director pa den su presupuesto e tene cuenta den e enseñansa innovacion pa Directie Volksgezondheid”, Minister Schwengle a expresa.

Minister Schwengle ta contento cu awo ta haci esey y ta duna balor no solamente na e empleadonan, pero tambe na e pueblo door di zorg pa esunnan cu ta tene e programa di vacunacion al dia ta al dia. Tambe pa pone mas material pe empleadonan den tur area cu nan por splica pueblo un tiki mas miho ainda kico ta e cosnan cu mester tene cuenta cun’e ora di tuma vacunacion y importancia di ta vacuna.

Tin biaha por mira den media, specialmente media social hendenan ta tira kico cu ta y esey a bira un hecho, pero sinembargo esey no ta berdad. “Nos mester ta uni den informacion cu nos ta duna pueblo, pe informacion ta concreto, pe ta bon, corecto y di e mesun forma pa asina pueblo sa di unda e informacion ta bini y pa nan por haci un bon escogencia si nan ta bay tuma e vacuna”, Minister Schwengle a indica. Nos kier pa tur hende tin e informacionnan corecto no a base di Facebook, pero a base di informacion concreto y veredico.

 

- Advertisement -

DUNA COMENTARIO

Please enter your comment!
Please enter your name here