Home Turismo De Palm Tours a gana premio di “Caribbean’s Leading Tour Operator”

De Palm Tours a gana premio di “Caribbean’s Leading Tour Operator”

18
0
SHARE
- Advertisement -

Otorga pa Carnival Cruise Lines

ORANJESTAD    (AAN) – Pa di tres aña consecutivo De Palm Tours a ricibi e prestigioso premio di “Caribbean’s Leading Tour Operator” for di Carnival Cruise Lines. Asina ki De Palm Tours ta sigui e tour operator lider den caribe cu ta ofrece tours pa tur pasahero di crucero.

Tur aña Carnival Cruise Lines ta eligi e miho tour operator di tur puerto cu nan ta bishita. De Palm a sali ganador e aña aki atrobe, door cu nan tours ta esun nan mas gusta entre tur pasahero di e crucero y tambe door di e grandioso teamwork cu tin entre De Palm Tours y Carnival Cruise Lines. Manera tur temporada, un ceremonia hopi special a wordo teni riba Carnival Vista pa entrega De Palm Tours e prestigioso premio aki.

“E crucero nan di Carnival Cruise ta bishita Aruba hopi biaha pa aña, esey kiermen cu nos mester ta bon prepara semper y keda atento riba tur loke ta pasando den e industria di crucero. Tur esaki ta posibel danki na tur nos personal cu ta dedica nan maximo esfuerzo pa brinda tours y experiencia nan inolvidabel na tur pasahero”, Warren Stanley, General Manager di De Palm Tours.

Un pabien grandi a wordo ricibi for di e Director Product Development, Erika Tache: “E posicion di De Palm Tours manera un tour operator lider y nan reputacion den brinda servicio di prome nivel ta danki na nan fuerte liderazgo. No tin duda cu e logro reciente di e compañia lo bay wordo admira door di tur hende den e industria di crucero.”

De Palm Corporation kier a gradici Carnival Cruise Lines pa nan grandioso sosten y na tur empleado di De Palm cu ta orguyoso di nan trabao y ta duna nan maximo esfuerso pa brinda tours nan inolvidabel na tur nos pasaheronan.

 

- Advertisement -

DUNA COMENTARIO

Please enter your comment!
Please enter your name here