Home Deporte Decision: Wega final di futbol ta entre SV RCA y Deportivo Nacional

Decision: Wega final di futbol ta entre SV RCA y Deportivo Nacional

44
0
SHARE
- Advertisement -

ORANJESTAD (AAN): Diamars anochi e comision di apelacion (Beroepscommissie) di Arubaanse Voetbal Bond (AVB) a reuni riba e protesta di Deportivo Nacional contra e decision di directiva di AVB, relaciona cu e ultimo wega hunga den liga “Division di Honor” entre SV Dakota y Deportivo Nacional. Despues di deliberacion interno, e comision a duna Deportivo Nacional rason den nan ponencianan y como tal e wega final pa e titulo di campeon lo bay entre SV RCA y Deportivo Nacional.

Directiva di AVB mes no a participa den e decision aki pa dos motibo. E prome ta pasobra Beroepcommissie ta traha independiente. Y e di dos motibo ta pasobra cu e protesta ta contra e decision di directiva di AVB mes.

Pa awor, e decision aki ta final, tanto pa Deportivo Nacional como pa directiva di AVB. Lo cuminsa prepara pa organisa e weganan final, despues di e 4 dianan cu ta stipula pa regla. Probablemente e prome di e tres weganan lo cuminsa otro siman.

- Advertisement -

DUNA COMENTARIO

Please enter your comment!
Please enter your name here