Desaroyador di Green Corridor ta regala mil bicicleta

    123
    0
    SHARE
    - Advertisement -

    Gobierno lo coordina reparticion cu focus riba muchanan di menos recurso

    ORANJESTAD   (AAN): E siman aki Gabinete Mike Eman II a anuncia un caminda pa bicicleta di 10 kilometer largo den ‘Green Corridor’ cu lo keda cla den luna di augustus/september proximo. Pa mustra su sosten na e idea di gobierno pa fomenta actividad fisico y recreacion, ODINSA a duna di conoce cu e ta bay regala pueblo di Aruba 1000 bicicleta destina pa mucha y hobennan. Prome Minister Mike Eman a keda hopi contento cu e anuncio y a gradici Carlos Zubieta di e contratista personalmente.

    E obsekio cu e compania multinacional ta haci ta un gesto totalmente autonomo. Di e manera aki ODINSA ta gradici e confiansa y cooperacion cu e compania a ricibi for di instancianan publico y priva, pero tambe di e comunidad Arubano, den e realisacion di e proyecto ‘Green Corridor’.

    Prome Minister Mike Eman ta combenci cu, similar na e efecto cu Linear Park tin riba canamento, e caminda di bicicleta ta bay tin pa ciclistanan local. Ya caba ta conoci cu e grupo aki a aumenta hopi den añanan reciente y ta hopi uni. Recientemente Premier Eman a reuni cu nan pa tende di nan preocupacion y asina ey tuma nan recomendacionnan pa cu e canal di bicicleta di ‘Green Corridor’.

    E regalo generoso di parti di ODINSA ta bay permiti un cantidad grandi mucha y hoben di nos isla tin acceso na un bicicleta cu por hiba na hopi momentonan di recreacion sano, pero tambe na un estilo di bida saludabel y por ta, te hasta, na un carera deportivo.

    Gobierno di Aruba lo brinda su asistencia pa asina coordina hunto cu ODINSA e reparticion di e bicicletanan aki. Naturalmente lo enfoca riba muchanan di menos recurso cu, di otro modo, no lo por yega na un bicicleta.

     

    - Advertisement -

    DUNA COMENTARIO

    Please enter your comment!
    Please enter your name here