Home Salud Diasabra lo ta Dia Internacional di Yoga

Diasabra lo ta Dia Internacional di Yoga

4
0
SHARE
- Advertisement -

ORANJESTAD (AAN): Brahma Kumaris ta cla cu un charla “YOGA, the ultimate connection” en conexion cu dia Internacional di Yoga.

Brahma Kumaris Aruba ta organiza un charla pa publico, titula “Yoga, the ultimate connection”, diasabra awor, 24 juni.

Hende den henter mundo a descubri cu e practica di tempo bieu di yoga ta un di e hermentnan mas importante pa biba un bida cu nificacion. Yoga ta conecta un persona cu e Fuente di bida y ta habri curason y claria mente.

Tin hopi manera pa experencia con yoga ta uni hende, comunidad y organizacionnan. Ora nos bin hunto atraves di practica di yoga, nos ta sinti cu nos ta pertenece, nos ta actua colectivamente y transforma nos bida, nos sociedad y nos planeta.

Yoga ta conecta un persona cu su ser autentico, ta spierta consciencia y ta harmonisa nos trajectorio spiritual di consciencia, actitud y accion. Yoga conose diferente benificionan.

E charla aki ta cuminsa 7:00pm, diasabra awor na Centro di Brahma Kumaris cu ta  keda na St Cruz 113, banda di Kenro Jewelers.

E Idioma lo ta na ingles y ta liber di costo, como un servicio pa comunidad.

- Advertisement -

DUNA COMENTARIO

Please enter your comment!
Please enter your name here