Home Deporte Diferente clubnan di futbol a participa na e open dag organiza pa...

Diferente clubnan di futbol a participa na e open dag organiza pa Soccer Institute Aruba

30
0
SHARE
- Advertisement -

ORANJESTAD (AAN): Soccer Institute Aruba recientemente tabata tin un tremendo open dag pa tur futbolista joven na Aruba.“Nos por a mira hungador di diferente club presente manera di United, Estrella, Bubali, RCA, Britannia, Nacional, La Fama y Dakota. Esaki ta e bunitesa di futbol; ora por mira tur e muchanan aki di diferente club train hunto y pasa un dushi dia.”

Riba e dia aki por a conoce e set up nobo, mas moderno di SIA cu a cay na agrado di tur presente. Soccer Institute Aruba (SIA), ta conta cu 72 mucha total a presenta pa probecha di e open dag, varios di nan den nan uniform nobo di SIA caba. SIA ta keda enfoca riba mehora tecnica y abilidad den e joven futbolista, pero a desaroya un sistema mas moderno, mas structura cu a pone cu apesar di e cantidad di mucha, full e training a bay di un manera sublime.

Tambe e dia aki tabata tin e grato placer di otorga un uniform di SIA nobo nobo na e ganado di e campaña di Facebook, e joven Brandon Hoogenbergen cual number a wordo escohi di tur otro participante for di e man-nan inocente di Xaenon Donata.

SIA ta compromete su mes pa organiza mas open dag den futuro pa asina hasi futbol mas accesible na nos hobennan Arubiano.

Alaves SIA kier hasi uso di e oportunidad pa gradici su sponsors: Aruba Marriott, Interprint, doc Opleidingen, Juanchi’s Burger, Shoco Snack, De Palm Island y tambe Cavalier Logistics.

Soccer Institute Aruba ta un scol di futbol cu a ser funda na aña 2015, pa un grupo di professional, cu experiencia den enseñansa di e deporte aki, den fasenan formativo aki na Aruba y na Hulanda.

E obhetivo mas importante di SIA ta pa e lesnan di futbol desaroya e conocemento, actualiza y mehora e tecnica y habilidad mas importante pa nos alumno.

No perde e oportunidad aki pa progresa Bo yiu su abilidad tecnico y conocemento di e deporte di futbol! Inscribi awor, pa mas informacion por tuma contacto cu info@siaruba.com

- Advertisement -

DUNA COMENTARIO

Please enter your comment!
Please enter your name here