Segun director di AZV Anko Ringeling:
ORANJESTAD (AAN): Uzando e ehempel di dokter di cas, pa basta aña caba, casi 10 aña, si no ta mas, tur e dokternan di cas, cu a contrata, ta BIG. Si nan no ta mes, despues di nan basis arts, nan por sigui opleiding cu tin na Aruba. Opleiding aki y cab’e, bo por registra bo mes den BIG, cu ta evalua riba e mesun nivel di BIG. Tin studiantenan cu a studia den region manera Costa Rica of Colombia, cu mientras tanto a cana un trayecto pa haya acceso y haya huisarts opleiding. Den e ultimo añanan ta huisarts, dokternan di cas cu ta BIG geregistreerd so a wordo contrata. Pa e specialistanan ta otro.
Berdad mayoria di e specialistanan ta den servicio di hospital y hospital ta busca na Hulanda pa wak si nan por haya e tipo di specialista cu nan ta buscando. Esey ta facil. Ta depende un poco di e specialismo cu nan ta buscando tambe. No tur ora mesora nan por haya hende, specialmente cu bin of kier bin traha na Aruba permanente. Tin biaha nan ta haya e asina waarnemers cu ta bin pa un temporada limita.
E ora eynan otro temporada ta haya un otro dokter cu no ta haya optimal. Ta cada biaha e pashent ta wak un otro dokter y esey no ta bon, pa e cuido di e pashent. Pero tin biaha no tin modo di haci pasobra no tidrectamente nan por haya un specialista. E ta asina tambe cu mas y mas toch ta bay wak den region, por ehempel na Colombia, si por haya specialista. Esey semper y cuando mester bay den colaboracion cu Departamento di Salubridad tambe.
Pa e specialistanan ey, mester di un decision di minister, un asina yama ministeriele Beschikking. Esey mester bay semper hunto cu e departamento di salubridad publico. Pero no ta asina cu ta busca mas na Hulanda. Mas y mas ta bay wak den region pa wak si tin specialistanan cu ta cumpli cu cierto rekisitonan y cu ta dispuesto pa traha na Aruba. Tin caba suficiente cu a studia den e region.
Den e sentido ey, esey ta bay sigui tambe.
Con ta midi’e
Ringeling a splica cu mester tin den caso di dokter di cas, e cantidad di personanan cu e ta cubri cu ta inscribi na su practica, mester ta di tal volumen cu por duna e cuido necesario na e personanan ey. Edad no ta mucho importante. Ta asina cu sa y tambe ta mira riba cifranan cu hendenan mas grandi, cu nan ta rekeri mas cuido.
No cu necesariamente ta mas caro tur ora, pero ta rekeri mas cuido. Pero no ta registra pasobra por saca e datonan di edadnan cu ta bishita dokter, pero e no ta directamente relevante pa e cuido cu ta wordo duna. Den e sentido cu si tin cierto malesanan cu tin pa mucha, mester percura pa tin specialista pa mucha por ehempel. No ta registra of haci algo cu e edad di e personanan cu ta bishita dokter of dokter di cas.
