Home Policial Dos hoben cu a manda auto riba Polis a keda deteni

Dos hoben cu a manda auto riba Polis a keda deteni

366
0
SHARE
- Advertisement -

ORANJESTAD(AAN): Diamars atardi laat patruya di San Nicolas a duna un Nissan March color blauw señal pa para, djis pa un control.

Sinembargo, e chauffeur no a sigui orden di polis y a sigui manda e auto riba e agente femenino.

Despues di e acto castigable aki, autoridad a cuminza cu un buskeda pa e auto y bay topa esaki na e adres Pos Chikito 76H. A bay Matividiri tambe y Pos Abao.

Na Pos Chikito ora a haya e auto e Polisnan a cuminsa un buskeda intensivo mirando cu e auto a ser laga atras den cura na dicho adres. Un poco mas leu canto di lama patras di e casnan a bin topa cu e dos sospechosonan. Nan a admiti di a manda e auto riba e polis door di spanto. Ambos a keda deteni y transporta pa warda di San Nicolas.

E auto tambe a ser tuma den beslag. E cas caminda a haya e duo aki lo ta un familiar di nan ta bibando.

Un di e hobennan mes tabata grita cu e no a dal e Polis, y cu solamente e intencion di manda auto riba Polis ta motibo pa detencion.

Algun rato despues, un miembro di famia a yega basta emocional na e lugar y a cuminsa stroba e trabao di Polis acercando e sospechosonan. Agentenan aki a pidie pa mantene distancia.

 

- Advertisement -

DUNA COMENTARIO

Please enter your comment!
Please enter your name here