DOW ta riba standby y prepara pa mal tempo

    102
    0
    SHARE
    - Advertisement -

    ORANJESTAD(AAN): Director di DOW, Marlon Croes tambe tabata presente pa loke ta e conferencia di prensa extraordinario yama pa Gobierno, pa asina duna e ultimo detayenan y tambe indica con prepara e departamento aki ta pa loke ta e temporada aki, en particular, pa e sistema di tempo cu ta na caminda.

    E ta indica cu DOW tur aña segun plan, ta prepara pa temporada di horcan. Esey ta nifica cu tur rooi y canal ta worde haci limpi pa dia 1 di Juni prome cu temporada cuminsa.

    Desde cu a drenta den e watch aki, a cambia tur proceso pa dedica pa mira e posibilidad di menaza cu tin. A cambia nan operacion y a bay di biaha pa controla e rooinan un biaha mas. Tambe nan ta bezig ta controlando tur rooi y a cuminsa ayera pa wak tur boca pa lama ta habri y tambe e roosternan den caya.

    DOW ta preparando ekiponan. Tin cinco post cu nan ta para na dje cual ta Bubali, Parkietenbos, Zeewijk y dos post mas parti paden, pa si cu nan mester sali, nan tin nan ekiponan pa yega na e luganan mas liher.

    Ta haciendo un preparacion completo pa asina nan por test nan mes si nan ta cla pa tur calamidad cu por presenta.

    E intencion ta pa ora cu e tormenta pasa pa DOW ta full operacional 24 ora pa duna e servicionan necesario, segun Marlon Croes, director di DOW.

     

    - Advertisement -

    DUNA COMENTARIO

    Please enter your comment!
    Please enter your name here