Home Turismo E impacto di Venezuela ta wordo sinti den turismo di Aruba

E impacto di Venezuela ta wordo sinti den turismo di Aruba

82
0
SHARE
- Advertisement -

ORANJESTAD  (AAN) —- Den turismo di nos isla, Merca su prestacion ta fuerte, claro hunto cu diferente otro mercado tambe y e combinacion di esaki ta refleha tambe den resultadonan comparti door di AHATA.

E bahada for di Venezuela ta impacta e volumen di e bishitantenan ‘stay-over’ pero esey sigur no ta impactando e calidad, cu ta ser midi entre otro door di entrada pa socionan den turismo y pa pais Aruba.

Si compara volumen di Aruba pa cu otro destinacionnan den region di Caribe, por ripara cu nos destinacion ta wordo afecta fuertemente pa cu e situacion di Venezuela, aki mester tene na cuenta cu Aruba ta e mercado primario pa Venezuela tambe, den area di Caribe.

E impacto di Venezuela ta wordo sinti na Aruba relativamente mas riba area di volumen, pero no riba aspectonan cu ta mara na ingreso pa medio di turismo.

E prestacion fuerte di Merca y otro mercadonan ta refleha un ganashi pa camber (RevPar) sumamente fuerte y grado di ocupacion na hotelnan sumamente fuerte.

Esey no kiermen cu Venezuela no ta importante, e pais aki ta keda un mercado cardinal, pero ora ta papia di e producto hotelero, e dependencia di Venezuela ta menos.

Mester tuma nota cu awendia hopi Venezolano ta keda tambe of ta propietario di un condominium. Gran factor pakico e volume aki a cay ta debi na e bishitantenan Venezolano cu no ta e turista tradicional. Contrario, e meta di nan bishita tawata juist pa nan hiba hopi dollar Mericano bek pa nan pais, segun informe di ATA.

Excluyendo e volume ey, ta keda e bishitante ‘normal’ di Venezuela, cu manera indica aki riba, ta scoge grandemente pa ‘otro tipo’ di acomodacion cu por ta pa gran parti ‘condominiums’. Pa aña 2016, 66.6% di e bishitantenan Venezolano a keda na ‘otro tipo’ di acomodacion cu no ta hotel. Esakinan tabata inclui tambe, den e aña aki, apartamentonan barata cu tabata wordo uza pa e bishitante Venezolano ‘no tradicional’, cu awor no ta bishita mas.

- Advertisement -

DUNA COMENTARIO

Please enter your comment!
Please enter your name here