Home Cultura Exposicion Cultural den Centro di Bario Brazil

Exposicion Cultural den Centro di Bario Brazil

16
0
SHARE
- Advertisement -

ORANJESTAD (AAN): Centro di Bario Brazil ta preparando pa su di 7 Parada Folklore Cultural. Esaki ta e motibo tambe cu Centro di Bario ta preparando un fin di siman cultural, cu ta encera un exposicion di trahe di tur grupo, tanto di participante y reinanan.

Tambe potret y locual a ser uza durante e diferente paradanan sin laga afo e gran celebracion di San Juan, gruponan di baile, grupo tipico y caha di orgel.

Diabierna 23 di Juni lo tuma lugar apertura di exposicion, cuminsando pa 7’or pm cu shownan y musica cultural y  Diasabra 24 di Juni lo tene celebracion di San Juan cuminsando pa 5’or p.m. hunto cu e exposicion.

Centro di Bario Brazil ta bay tin bunita premio pa baliadonan di San Juan, tanto pa hende grandi y mucha.

Pa clausura e exposicion C.B.B. tin riba diadomingo 25 di Juni, exposicion, kofie morgen, cushina bon surti, show di baile, grupo tipico y caha di orgel cuminsando pa 10:30 a.m. te cu 6’or p.m..

C.B.B. ta warda pueblo di Aruba sin falta na e actividadnan unico aki. Tambe tin oportunidad pa inscribi pa participa pa reina y pa gruponan pa e Parada Cultural. Pa mas informacion por yama C.B.B. tel: 5846500.

- Advertisement -

DUNA COMENTARIO

Please enter your comment!
Please enter your name here